8.7 C
Ohrid
петок, ноември 27, 2020
Почетна Македонија Бизнис во матно - Маските поскапеа од 3 на 30 денари а...

Бизнис во матно – Маските поскапеа од 3 на 30 денари а еве што се случува и со брашното

Translate (Eng):[gtranslate]

Побарувачката по хируршки маски ги дигна нивните цени во некои аптеки. Некои граѓани за Фактор велат дека во некоја од аптеките низ градов купиле обични хируршки маски по цена од 30 денари, а тврдат дека за нив до пред појавата на коронавирусот се плаќале по три денари. Исто така, некои од поквалитетните маски, кои претходно, на пример, се продавале по 100 денари, сега достигнувале цени и до 370 денари.
А како што е познато, кога изби коронавирусот, Владата ги задолжи Пазарната инспекција и Агенцијата за лекови да преземат мерки доколку утврдат дека има неосновано покачување на цените и злоупотреба на залихите на заштитните средства.
„Ќе се спроведе во целост задолжението до Пазарната инспекција и до Агенцијата за лекови да се направи увид и контрола на залихите на заштитните средства, и доколку се утврди неосновано зголемување на цените, ќе бидат преземени мерки соодветно за законските прописи и овластувања“ се нагласуваше во соопштението.
Фактор праша во Пазарниот инспекторат дали одат на терен и дали проверуваат дали има неосновано зголемување на цените на маските, заштитните средства, или евентуално на некои прехранбени производи. Оттаму велат дека нивни екипи се постојано во теренски проверки, но формирањето на сите цени во аптеките досега е поткрепено со документи, што значи дека наодите се дека се е направено легално.
„Мора да знаеме дека функционираме во услови на пазарна економија.

Тоа значи дека цените се формираат пазарно, односно во зависност од понудата и побарувачката. Во земјава нема производство на маски, туку тие се увезуваат од странство. А познато е дека ниту една земја сега не сака да извезува маски, што значи дека нивната цена расте на светскиот пазар“, објаснуваат од Државниот пазарен инспекторат.
Оттаму велат дека тие можат да проверуваат дали цената е зголемена согласно законските прописи. Кога аптеките ќе добијат фактура од увозниците, ги задолжуваат нивните единици да продаваат по тие цени. Се зависи од тоа за колку аптеките ги набавиле маските, каков е нивниот квалитет, дали се еднослојни, двослојни и слично.
„Од јануари досега не најдовме дека некоја аптека неосновано ги зголемила цените. Секаде каде што проверивме, се беше поткрепено со документација“, велат од Инспекторатот.
Од оваа институција нагласуваат дека во моментов на нашиот пазар се уште важи слободно формирање на цените.

РЕКЛАМА

„Владата досега не кажала дека се утврдуваат цените на некои производи. Односно, оттаму не кажале цената на маските да изнесува, на пример, максимално 10 денари, и да не смее да се зголеми повеќе од таа цена. Или за цената на заштитните средства, или за цените на брашното. Кога тоа би се случило, сите што продаваат над тие цени, ние би имале основа да ги казнуваме. Во овој случај немаме таков основ“, објаснуваат пазарните инспектори.

За цената на брашното, пак, инспекторите во некои маркети пронашле дека дури тие се намалени во однос на пред два месеци, што се поврзува со движењето на цените на светскиот пазар.
Инаку, за сите наоди од терен, договорено е Пазарниот инспекторат да ја информира Владата и министерот за здравство, Венко Филипче.

Превземено од Фактор

- Реклами -