18.1 C
Ohrid
сабота, септември 19, 2020
Почетна Македонија Текстилните работници и работнички веднаш да бидат пуштени од работа – изолацијата...

Текстилните работници и работнички веднаш да бидат пуштени од работа – изолацијата во спротивно нема никаков ефект

Translate (Eng):[gtranslate]

До порталот think.mk пристигнала порака од читател од Делчево кој испраќа порака како што вели до сопствениците на фабриките кои уште работат под полна пареа:

Ви пишувам бидејќи сум загрижен пред се за здравјето на моите најблиски, но потоа и за сите други личности односно поради тоа што сите ние мораме да упатиме апел да се почитуваат препораките и одлуките на Владата, со цел подобро да се заштитиме и да се справиме во борбата против коронавирусот.

Имено, во нашиот град Делчево поточно во нашите текстилни фабрики (можеби постојат исклучоци) работниците и работничките уште одат на работа со извршување на својата работна обврска од 7 часот наутро па се до 15:00 часот. Како што ви пративме пред некој ден, после работа истите заминуваат да извадат пари, по што се прават големи гужви пред банките, банкоматите, но и пред самите маркети. Со тоа директно се загрозува здравјето на сите граѓани односно жители на град Делчево. Не можам да разберам која е логиката на изолација или самоизолација доколку еве некого од семејството кој комуницира со таа личност секојдневно излегува од својот дом и комуницира со други лица, на работа, по маркети и слично?

РЕКЛАМА

Упатувам сериозен апел до институциите – не си играјте играчки! Да се стави веднаш забрана за функционирање на ваквите фабрики бидејќи во нив работат стотици, илјадници работници и работнички кои секојдневно комуницираат едни со други, а потоа заминуваат од работа и своето комуницирање го продолжуваат со луѓе од потесното семејство, но и роднини и соседи.

Време е да покажеме зрелост, бидејќи после може да биде доцна!

think.mk

- Реклами -