13 C
Ohrid
среда, октомври 28, 2020
Почетна Здравје и убавина Коронавирусот можеби е со години меѓу луѓето

Коронавирусот можеби е со години меѓу луѓето

Translate (Eng):[gtranslate]

Додека пандемијата на вирусот ковид-19 пустоши по целиот свет предизвикувајќи сѐ поголем број жртви, научниците се обидуваат со сигурност да утврдат од каде точно дојде вирусот САРС-ков-2.

Иако сѐ уште ги немаат сите одговори, вклучувајќи го и тоа во кој момент преминал на нас луѓето од животните, најнова анализа дефинивно потврди дека не станува збор за вирус кој е намерно создаден во лабораторија. Но, оваа студија понуди и некои интересни увиди во можното потекло на новиот вид коронавирус, пишува Сајенс алерт.

Студијата отвора некои интересни можности во врска со потеклото на новиот вирус. Едно од сценаријата сугерира дека веќе некое време безопасно кружел меѓу човечката популација пред да мутира и да стане опасен за луѓето и да ја предизвика пандемијата.

РЕКЛАМА

„Можно е првичната верзија на вирусот САРС-ков-2 да преминала на луѓето стекнувајќи со текот на времето и при неоткриени пренесувања од човек на човек нови геномски особини“, се наведува во студијата на тимот од САД, Британија и Австралија.

Експертите ги анализирале генските податоци достапни од САРС-ков-2 и други слични коронавируси и утврдиле дека некои делови од протеинот на вирусот САРС-ков-2 толку ефикасно се врзува за човечките клетки што можеле да настанат само по природен пат, а не во лабораторија.

Поради тоа што не настанал во лабораторија, научниците ги истражиле другите две одржливи хипотези кои можат да го објаснат неговото создавање: а) вирусот минал природна селекција кај животните, а потоа преминал на човекот и б) вирусот преминал од животно на човекот, но прво бил безопасен, а потоа кај луѓето минал низ природна селекција, односно промена на геномот.

„Другото сценарио е дека новиот вид коронавирус монал од животните на луѓето пред да стане опасен“, објасни директорот на американскиот Национален институт за здравје Френсис Колинс.

„Потоа, како резултат на постапни еволуциски промени во текот на години, можеби децении, вирусот станал способен да се шири од човек на човек и да предизвикува сериозна болест, па дури и опасна по животот“, додава тој.

Експертите сѐ уште не знаат која од овие две хипотези е точна и ќе треба некое време и дополнителни истражувања за да се утврди како настанал овој вирус и како станал опасен. Во меѓувреме, знаеме дека не настанал во лабораторија и дека некои од најефикасните мерки за заштита е редовното миење раце и избегнување контакт со други луѓе.

Истражувањето наречено Приближна проценка на потеклото на САРС-ков-2 е објавена во магазинот Нејчр медисин.

mkd.mk

 

- Реклами -