Училиштата во Општина Аеродром обезбедија компјутери за учениците од социјално ранливите категории, со цел непречено одвивање на онлајн-наставата.
<
„На овој начин, сите ученици ќе имаат можност да се вклучат во алтернативниот вид настава преку платформата Гугл класрум“, велат од Општина Аеродром.
Во Општина Аеродром, како што наведоа, успешно се одвива онлајн-наставата во сите училишта и детски градинки, а се спроведе како резултат на затворањето на училиштата и мерките на Владата за спречување на ширењето на ковид-19.
