14.9 C
Ohrid
понеделник, септември 21, 2020
Почетна Свет Трогателна исповед - Короната во еден ден ја оставила без баба и...

Трогателна исповед – Короната во еден ден ја оставила без баба и мајка-Сега останав сосем сама на светот!

Translate (Eng):[gtranslate]

Анџела Костиќ (25) на 5-ти април ги загубила баба ѝ Винка и мајка ѝ Лилјана, која била здрава, но сепак после 12 денови ја загубила битката со животот.

 

Студентката Анџела Костиќ (25) од Ниш, на 5-ти април доживеала огромна трагедија бидејќи во 10.30 часот починала баба ѝ Винка Јовановиќ (82), а во 19 часот мајка ѝ Лилјана Костиќ (55) и останала сосема сама, бидејќи татко ѝ починал пред три години. Апсолвентката по стоматологија е скршена од болка.

РЕКЛАМА

„Мама и баба беа на респираторна машина во болница. Баба ми беше слаба, а прогнозите за мајка ми беа позитивни. Тие 12 денови го издржа најголемиот удар на воспаление на белите дробови, беше здрава, немаше никакво хронично заболување и сите мислевме дека ќе се избори. Потоа стигна вест од болница – останав нема. Не земаше ниту лекови, беше малку покрупна, но после 12 дена имаше големи шанси со оглед дека толку издржа“, рекла Анџела за српски „Курир“ и додала дека таа е негативна на тестот за коронавирус.

„Беше среќна што сум на крај со студиите и правеше планови за моја стоматолошка ординација. Таа секогаш имаше некое решение, некој резервен план… Сега останав сосема сама на светот“, раскажува Анџела, која добива многу повици и внимание од многумина кои сакаат да ѝ помогнат.

И покрај тагата, Анџела организира два погреба, а јавноста се здружила за да ѝ помогне.

„Многу луѓе ми се јавуваат за да ми изразат сочувство, да ми помогнат. Ми се јави деканот од факултетот и многу колеги. Татко ми беше стоматолог, па сега поддршка ми даваат и неговите пријатели кои одамна не сум ги слушнала, ниту видела. Сите ми велат дека морам да бидам силна. Тоа и се обидувам. Таквите работи никогаш не се прежалуваат, ниту тие празнини можат да се пополнат, туку човек едноставно мора да научи да живее со таа загуба“, рекла Анџела за српски „Курир“.

точка.мк

- Реклами -