Ги имаме сите потребни дозволи од надлежните институции за реконструкција на патеките во Старата Чаршија, а оштетениот камен травертин се менува со ист таков камен, изјави денеска Висар Ганиу, градоначалник на скопската општина Чаир. На прес – конференцијата, по бројните реакции во јавноста дека со реконструкцијата се нарушува автентичниот изглед на Чаршијата, Ганиу рече дека автентичноста воопшто не се менува. Тој објасни дека проектот кој е започнат во декември 2019 година, и за кој јавноста уште тогаш била информирана, е токму со цел да се санира и зачува автентичниот изглед на овој комплекс. Проектот е финансиран од Светска банка со грант во износ од околу 600 илјади евра.
<
