Кумановскиот градоначалник Максим Димитриевски е позитивен на коронавирус. Тој тоа го обелодени на својот профил на „Фејсбук“ откако денеска се дозна дека има нови 40 случаи во Куманово, меѓу кои е и градоначалникот.
„Почитувани сограѓани, драги пријатели,
– Сега ги добив најновите резултати за новите позитивни лица во Куманово, вкупно четириесет мои драги соѓраѓани помеѓу кои сум и јас.
Ве охрабрувам заедно и дисциплинирано да продолжиме во борбата против оваа заедничко зло, знам дека ќе го победиме, убеден сум во тоа, ве молам за воздржаност, нема простор за паника, барам од вас дисциплина, почитување на мерките и препораките за социјална дистанца.
– Ве молам, од душа и срце ВЕ МОЛАМ, почитувајте ги мерките, избегнувајте ги блиските контакти, здравјето ни е најбитно, така ќе победиме сите.
Нема простор за паника, ОШЗС ќе продолжи со својата работа во борба против Короната по препораките на епидемиолозите и стручните лица.“, напиша Димитриевски.
