22.9 C
Ohrid
вторник, јули 23, 2024
ПочетнаСветТурција испрати авион во Шведска за свој државјанин заразен со коронавирусот

Турција испрати авион во Шведска за свој државјанин заразен со коронавирусот

Турција испрати авион во шведскиот град Малме за да го преземе турскиот државјанин кому му е дијагностициран коронавирусот, а кого во Шведска одбиле да го примат во болница, јавува Агенција Анадолија (AA).

Емрула Гулушкен (47) е позитивен на коронавирусот, се јавил на лекар, но бил вратен дома. Неговите ќерки Самира и Лејла побарале помош преку социјалните мрежи, а на нивниот повик одговорил турскиот министер за здравство, Фахретин Коџа.

„Живеам со семејството во Шведска. Татко ми пред 11 дена доби температура и почна да чувствува потешкотии во дишењето. Се јавивме на лекар, но за жал, никој не дојде. Со денови се јавувавме повеќепати, но никој не одговараше на нашите повици“, вели во видеоснимката објавена на социјалните мрежи Самира Ѓулушкен.

Во меѓувреме, турската Амбасада во Стокхолм и Дирекцијата за турска дијаспора и сродни заедници (YTB) стапиле во контакт со семејството Ѓулушкен. Министерот за здравство, Фахретин Коџа, разговараше со Самира и доби информации за здравствената состојба на нејзиниот татко.

Коџа потоа потврди дека во Шведска ќе биде испратен авион за медицинска евакуација и дека целото семејство ќе биде префрлено во Анталија.

Ќерката Лејла Ѓулушкен за АА изјави дека состојбата на нејзиниот татко вчера дополнително се влошила и дека повторно се јавиле во болница.

„Потоа пристигна брзата помош, со нас разговараа многу грубо, очигледно лути поради нашите повици. Рекоа дека не можат да сторат ништо против оваа болест. Рековме дека ни е познато дека сè уште нема лек за оваа болест, но дека нашиот татко треба да биде примен во болница за да не биде загрозено и нашето здравје“, рече Лејла Ѓулушкен.

spot_imgspot_img
spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Левица: Тежок криминал во „Кромберг и Шуберт”- Врз грбот на работниците

​​​​Неколку дена во фабриката „Кромберг и Шуберт” е присутна финансиска полиција поради сомневање за проневера на милионски суми. Криминалниот ланец помеѓу управата во најпрофитабилниот...

На 26-07 во петок, свечено отварања на eтно Ресторанот и вила Бате Боле во село Лешани !!

Во срцето на општина Дебрца, поточно во село Лешани во петок на 26 јули во 19:00 часот  се отвора етно ресторан Бате Боле. Побегнете...

Чавков, Јане Ченто и други осудени за 27-ми април излегуваат од затвор на 30 дена

Осуденици за случајот 27 април се повикале на Членот 225 од Законот за извршување на санкциите, чиишто измени беа изгласани кон крајот на месец...

Директор д-р Асен Шајн ја предаде должоста на новиот В.Д. Директор д-р Горан Маркоски, со желби за понатамошен успех и континуитет во работата.

Примопредавање на функцијата директор на ЈЗУ Општа болница Охрид Денеска во просториите на административната зграда при ЈЗУ Општа болница Охрид, во пријатна работна...