6 C
Ohrid
среда, март 3, 2021
Почетна Македонија Фирмите кои ќе користат државна помош дозволено им е да отпуштаат вработени

Фирмите кои ќе користат државна помош дозволено им е да отпуштаат вработени

Translate (Eng):[gtranslate]

Фирмите кои се погодени од ситуацијата со коронавирусот, а кои ќе користат државна помош ќе можат да го намалуваат бројот на вработени. Така, микро и малите фирми ќе можат да го намалат бројот на вработени до 15 проценти, средните компании до 10 проценти, а големите до 5 проценти. Ова е само една од трите новини во мерката за државна помош, која денеска ја презентираше министерката за финансии Нина Ангеловска. Ова претставува ретерирање од првичниот став на институциите, кога првично беше најавено дека компаниите кои користат државна помош ќе треба да го задржат истиот број на вработени до септември, за подоцна рокот да се намали до јули.

Сите три новини се работени заедно со светската банка, а мерката е кофинансирана со заем од банката во износ од 50 милиони евра.

„Во изминатиот период имаше прашања од бизнис заедницата кои ги упатуваа компаниите и до УЈП и до Владата, во смисла на критика или сугестија, што ако работникот сам напушти, што ако се работи за работник на кој што му истекува договорот, што ако се работи за сезонски работници, и поради тоа, со ова се олеснува критериумот за задржување на бројот на вработени“, рече Ангеловска.

РЕКЛАМА

Дополнително, министерката изјави дека со воведувањето на оваа флексибилност, ќе се спречат отпуштањата, но и ќе се зголеми опфатот на фирми кои ќе аплицираат за мерката и кои директно ќе помогнат и ќе ги задржат работниците.

Втората промена е насочена да им помогне и да им овозможи поголема финансиска поддршка на најпогодените сектори, односно туризмот, угостителството и транспортот, вели Ангеловска. Компаниите од овие сектори ќе можат да аплицираат истовремено и за мерката 50% субвенционирање за придонесите која беше прогласена и објавена во првиот пакет антикризни мерки.

Критерумите за компаниите кои сакаат да аплицираат за оваа мерка треба имаат дејноста во еден од трите сектори, да имаат остварено добивка во последните две години и да немаат неплатени давачки кон УЈП и обврски по кредити над 90 дена, земајќи ја притоа, датата пред кризата 28, 29 февруари.

„Доколку компанијата од овие три сектори ги исполнува овие критериуми, истата може да ја комбинира оваа мерка, финансиската поддршка од 14.500 денари, заедно со мерката за субвенционирање до 50% од придонесите. Со ова практично значи дека покрај 14.500 денари кои што ги имаат компаниите, истите сега можат да користат и дополнителни, до максимум 5.000 денари од другата мерка, која што предвидува покривање на половина од придонесите, а до просечна плата објавена за 2019 година. Тоа значи дека вкупната финансиска поддршка за овие компании, од овие сектори ќе може да изнесува до 19.500 денари“, посочи Ангеловска.

Третата промена се однесува на критериумот, за тоа кои компании треба да ги враќаат средствата. Првичната уредба е дека компаниите кои оствариле загуба нема да ги враќаат финансиските средства останува, а дополнително се воведуваат критеруми, за кои фирми дополнително може да не ги вратат средствата, односно да ги трансформираат во грант, објасни Ангеловска.

„Сега имаме дополнително олабавување, односно, сите здрави компании, кои што имале добивка две последователни години, во 2019-2020 година, кои не се на листата на должници и немаат кредити со достасаност неплатени над 90 дена, истите ќе може да аплицираат за трансформирање за финансиската поддршка во грант, под услов истиот износ што го добиле, го инвестираат во своите вработени, во оперативно подобрување на процесите, во опрема, продуктивен капитал итн..“, посочи Ангеловска.

Министерката најави дека барањата за компаниите за да може да ги искористат овие придобивки ќе бидат објавени и пропишани во следниот период, и додаде дека за истите ќе се аплицира во 2021 година, односно со поднесување на даночниот биланс.

М.К.

радио моф

- Реклами -