26.9 C
Ohrid
сабота, јуни 28, 2025
ПочетнаМакедонијаВерници масовно купуваат темјан

Верници масовно купуваат темјан

spot_imgspot_imgspot_imgspot_img
spot_img

Македонската православна црква-Охридска архиепископија пред и за време на велигденските празници бележи рекордна продажба на темјан, како и ќумур и кандила за палење темјан. Имало денови кога во црковните продавници не можело да се најде ниту ќумур ниту темјан. Верниците велат дека пред Велигден во многу продавници барале темјан, но многу тешко можеле да најдат.
Луѓето што работат во црковните продавници посочуваат дека вакво нешто се случува првпат и досега не забележале вакво масовно купување темјан за користење во домашни услови.

<

Многумина, пак, ова го поврзуваат со актуелната состојба со коронавирусот, а луѓето го користат темјанот како превентива од ширење на заразата и како средство за прочистување на домот. Веруваат дека темјанот помага во уништување на бактериите и на вирусите.
Свештениците велат дека имало случаи кога темјанот бил купуван од луѓе што имаат проблем со камен во бубрег или во жолчка. Во тој случај се препорачува да голтаат по едно зрно темјан.
– Забележавме зголемена потрошувачка на темјан изминатиот период. Ги потрошивме и резервите што ги имавме. Обично темјанот го набавуваме од Грција или од Србија – велат свештениците на МПЦ.

Оттаму посочуваат и дека монасите од манастирот „Света Богородица“ во Берово произведуваат темјан.
Инаку, темјанот од древни времиња претставува ароматична смола, која извира од резовите на стеблото на дрвото ливан, па оттаму доаѓа името „темјан“.
Иако поседува многубројни лековити средства, за темјанот повеќето луѓе не знаат речиси ништо. Според верувањата, темјанот во домот им носи добро здравје на сите членови на семејството
Токсиколошките истражувања во поново време покажале дека екстрактите од темјанот се безбедни како за надворешна така и за внатрешна употреба.

Во ароматерапијата, темјанот се користи за ублажување и лекување на депресијата, хистериите, стресот и напнатоста.
Запалената смола од темјан вообичаено има доста интензивен мирис, па кај одредени личности може да предизвика и непријатност.
Според теолошкото објаснување, препорачливо е дома да се покадува со темјан редовно, секогаш придружено со молитва.

– Кога човек се моли, препорачливо е да кади со темјан дома. Ароматичниот темјан го симболизира и прославувањето на Бога. Изгорувањето на темјанот означува поклонение и искупување. И пријатното чувство што се создава од миризбата на темјанот во целото пространство на божјиот храм означува полнотија на нашите срца со божествена наслада, тоа е плод на нашата љубов кон Бога – велат теолозите.
Според нив, како што темјанот, кој се вжештува на јагленот, се издигнува нагоре и ароматизира наоколу, така и душата на верникот со силна вера треба да се вивне нагоре, одделена од материјалните нешта и грижи. Дното на кадилницата го покажува смирението на Христос, огнот – неговото божество, а ароматичниот дим нѐ „исполнува“ со благоуханието на Светиот Дух.

/Радмила Заревска (Нова Македонија)

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Жена на возраст од околу 40 години се удави денеска во Дебарското Езеро

Жена на возраст од околу 40 години се удави денеска во Дебарското Езеро, во близина на градската плажа. Телото го забележале двајца граѓани кои...

По цели 10 години поминати во Австралија, Ненад и Мариа Стојменови решија да го напуштат Мелбурн и да се вратат во татковината.

По цели 10 години поминати во Австралија, Ненад и Мариа Стојменови решија да го напуштат Мелбурн и да се вратат во татковината. Нивната нова...

Стојанче Ангелов: Најдов двајца пилоти, од есен ќе започнат со обука

Директорот на Агенцијата за заштита и спасување, Стојанче Ангелов, во емисијата „Трилинг“ реферираше дека сите три противпожарни авиони ер-трактори се во функција, со тоа...

Андоновски: Доаѓа крај на хартиените документи – возачка и лична карта сè на мобилен телефон

На Самитот за дигитализација на Западен Балкан, што ќе се одржи на 1 и 2 октомври во Скопје, официјално ќе биде претставена македонската апликација...