,,Започнаа активностите за отстранување на нелегално изградениот ѕид во авто – кампот „Градиште“.
<
Градежен, комунален инспектор и инспектор за животна средина, утрово, извршија увид по што беше констатирано дека изведувачот нема постапено согласно издаденото решение за отстранување.
Согласно тоа, денес, започнаа активностите за отстранување на нелегално изградениот ѕид“-информираше градоначалникот на Охрид, Константин Георгиески.
Но, како што може да се види од фотографијата што ја постираше градоначалникот, парапетчето, како што го нарекуват многумина, се наоѓа непосредно до многу поголем ѕидан објект кој со едниот крај влегува речиси во езерото.
