14 C
Ohrid
сабота, април 10, 2021
Почетна Македонија Филипче: Се појавија и првите заболени од литијата во Струга.

Филипче: Се појавија и првите заболени од литијата во Струга.

Translate (Eng):[gtranslate]

Лекари од струшката болница му пријавиле на министерот за здравство Венко Филипче, дека во болницата доаѓаат пациенти кои што имаат наод на белите дробови кој потсетува на причинителот Ковид 19, а кои присуствувале на познатата струшка литија.

-Тие лица присуствувале на литијата. Ги чекаме резултатите, но апсолутно таков еден настан без дистанца е настан во кој може да се очекува дека вирусот се шири. Ние влегуваме во начин на живот што беше претходно. Никој не можеше да замисли дека ќе се смени патувањето. Нашата реалност значи дека мора да се носат маски и мора да се почитува дистанца, изјави Филипче на ТВ24, додавајќи дека секој град во кој не се почитуваат мерките може да е жариште.
Тој додаде дека има и кластери создадени на семејни собири каде не се почитуваат мерките. Алгоритамот на тестирање е променет изминатите денови па и луѓе кои немале директен контакт со заразен може да прават тест.

-Може да биле во контакт со луѓе кои не биле свесни дека се заразени. Така ќе им дозволиме тестирање и нив, објасни министерот.

РЕКЛАМА

Околу двете деца кои беа примени со синдромот кавасаки, министерот рече дека се тестирани за антитела и дека деновиве ќе се добијат резултатите, по што ќе се знае со сигурност дали нивните симптоми биле во корелација со Ковид 19. Кавасаки синдромот е инаку многу редок и претставува тип на воспаление на ѕидот на крвните садови.

- Реклами -