Денеска добивме донација, 85 респираторни машини за т.н. неинвазивна вентилација и дополнителни 24 концентратори на кислород. Благодарност до компаниите „Мега“, „Голден арт“, „Акустик“ и „Грин Мак“, но и до сите други компании и поединци, државни институции, странски амбасади, кои во овој период кога се справуваме со коронавирусот донираа за јавно-здравствениот систем.
Оваа донација е многу значајна, затоа што на една сериозна група пациенти кои се заболени од коронавирусот им е потребна ваква респираторна поддршка. По завршување на оваа криза, респираторите ќе се користат за третман на пациенти кои имаат друга индикација за поддршка на дишењето.
Напиша на фејзбук министерот за здравство Венко Филипче.
