21.9 C
Ohrid
сабота, јули 12, 2025
ПочетнаСветНИКОЈ НЕ ЗНАЕ ТОЧНО КАКО УСПЕА ЈАПОНИЈА ДА ГО ПОБЕДИ КОРОНАВИРУСОТ

НИКОЈ НЕ ЗНАЕ ТОЧНО КАКО УСПЕА ЈАПОНИЈА ДА ГО ПОБЕДИ КОРОНАВИРУСОТ

spot_imgspot_imgspot_imgspot_img
spot_img

Бројот на заразени со коронавирус во Јапонија опаѓа и сега падна на неколку десетици, иако таа земја немаше рестриктивни мерки како повеќето други земји, пишува Блумберг.

<

Нема ограничувања за движење на граѓаните, а бизнисите – од рестораните до фризерите, останаа отворени. Ниту една апликација за следење граѓани не е развиена.

Во Јапонија нема центар за контрола и превенција на болести, а само во земјата е тестирано 0,2 проценти од населението, што е една од најниските стапки кога станува збор за развиените земји.

Сепак, кривата се израмни, а бројот на жртвите е помал од 1.000. Во Токио, која е една од најгусто населените области во Јапонија, бројот на новозаразени претежно е во едноцифрени бројки.

Затоа, анализата за причините што и овозможија на Јапонија да го победи коронавирусот не придржувајќи се кон мерките воведени од другите, стана прашање на национална дебата. Сите се согласуваат за една работа – немало „сребрен куршум“, односно еден фактор што ја направило разликата.

Никој не знае точно како успеа Јапонија

„Само гледајќи го бројот на починатите, јасно е дека Јапонија беше успешна. Но, дури и експертите не знаат зошто“, рече Микихито Танака, професор по комуникација на универзитетот Васеда и член на советодавната група за коронавирус.

Медиумите објавија список од 43 можни причини зошто Јапонија била успешна во борбата против коронавирусот, а во неа спаѓаат различни фактори, од културата на носење маски, до релативно раната одлука за затворање на училиштата, па дури и претпоставката дека Јапонците поради јазичните карактеристики, при говорот испуштаат помалку капки.

Експертите интервјуирани од „Блумберг“ исто така се согласуваат дека одговорот на прашањето од каде потекнува успехот во борбата против коронавирусот лежи во неколку различни фактори. Како и да е, мерките што ги спроведува Јапонија би можеле да послужат како долготрајна лекција за земјите кои се наоѓаат среде епидемија.

Еден од поважните фактори е фактот дека Јапонија започна да бара контакти многу брзо, а тоа беше можно затоа што во јапонските здравствени центри, повеќе од половина медицински сестри имаат искуство во следење на инфекции. Јапонија се концентрираше да бара таканаречени кластери на одредени локации, како што се клубови и болници, за да ја лоцира инфекцијата пред да излезе надвор од контрола.

Покрај тоа, друг настан и помогна на Јапонија да се подготви добро за епидемијата. Сопирањето на крузерот „Diamond Princess“ во јануари, каде стотици луѓе се заразија, им помогнале на јапонските експерти многу рано да добијат вредни информации за тоа како се шири вирусот и сфатиле дека станува збор за опасност што може лесно да се пренесе на Јапонија.

Покрај тоа, во Јапонија, експертите го презеле водството и успешно пренеле едноставна порака за тоа како да се избегнат затворените простори, пренатрупаните простори и блиските контакти. Се верува дека ова било многу поуспешно од спроведувањето на целосна физичка изолација. Друг фактор е развиената здравствена свест на јапонските граѓани.

Иако Јапонија ги избегна најлошите сценарија во однос на здравјето, лабавите рестриктивни мерки не успеаја да ја спасат земјата од негативни економски ефекти. Во првите три месеци од оваа година Јапонија падна во рецесија, а економистите предвидуваат дека вториот квартал ќе биде најлошиот досега.

Јапонија наскоро ќе ги укине сите мерки, но властите предупредуваат дека нема враќање во старата нормала. Покрај тоа, ако се појави втор бран на инфекција, ризикот во Јапонија, која има најстара популација, останува голем.

„Мора да претпоставиме дека вториот бран ќе биде многу полош и ќе се подготвиме за тоа“, рече Јошихито Ники, професор по заразни болести на универзитетот „Шова“.

локално

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

ВМРО-ДПМНЕ: Само СДС и бугарските политичари се во одбрана на Данела

Од ВМРО-ДПМНЕ велат дека некогаш големата СДСМ се сведела заедно со Бугарија да бидат гумата за спасување на кариерата на Данела Арсовска. „И СДС во...

Општина Аеродром им најде работа на пензионерите- Треба да се грижат за хигиената и зеленилото во општината.

Општина Аеродром им најде работа на пензионерите. Планира да ги ангажира да ги одржуваат зеленилото и хигиената во Општината. Оние пензионери што седат дома и...

Македонските организации од Сиднеј донираа над 84.000 австралиски долари за жртвите од пожарите во Кочани.

Почитувани, Со гордост ве информираме дека денес Прилепското Друштво Методија Андонов- Ченто од Сиднеј официјално потпиша договор за соработка со организацијата Супорт Кочани и изврши...

Арсовска му возрврати на пратрникот Ковачев: Имам чешки пасош, бугарски немам !!!

Градоначалничката на Град Скопје, Данела Арсовска, денеска во гостување во „Тешки муабети го демантира европратеникот Андреј Ковачев кој објави дека наводно Арсовска е бугарски...