Килограм ресани, 500 грама компири, едно млеко и леб. Овој пакет го доби едно загрозено социјално семејство во Центар. Поради отежнатата ситуација општина Центар доделува месечни пакети за пензионерите кои земаат под 12 илјади денари. Тие велат дека ова е понижувачки затоа што со овие состојки не може ниту еден ручек да се направи. Семејството кое тв21 го снимаше сакаше да остане анонимно.
„Пола кило компир, две колачиња. Еве тоа е. Овие две се по 40 – 80. Со ова, млекото 130, плус еден леб 180 и компирите 20 денари, пакетот е 200 денари“, велат тие за тв21
На прашањето дали ова помош што ви е дадена е поради ситуацијата со Ковид 19, тие велат:
„Да тоа го рекоа за тие што имаат испод 12 ијади пензија како помош ни го дале“.
Градоначалникот на Центар Саша Богдановиќ вели дека општината не одлучува за тоа што ќе има во пакетите, туку тоа го прави компанијата која сака да донира за загрозените семејства.
„Се зависи од пакетот на донаторите бидејќи овде општина Центар дава нула денари. Значи ние функсионираме на принципот од тоа донаторите што ги обезбедуваме. И сега ние не можеме за некои работи кои ни ги донираат да кажеме еј малку е. Не благодарни сме и на тоа. Ќе излеземе во брзо време и со податоци колку енормно се зголемува бројот на луѓе кои учествуваат во овие акции“, вели градоначалникот Саша Богдановиќ, пренесува ТВ21.
Иако како што вели градоначалникот на Центар Богдановиќ, општината не дава ниту еден денар, сепак на пакетот стои логото на општината. Тој вети дека постојано расте бројот на компании кои се заинтересирани да донираат за социјалните семјејства така што смета дека и пакeтите со време ќе бидат количински зголемени.
