Медицинската сестра Кимберли Симпсон од Стафоршир во солзи излегла од продавница откако една жена внатре ја нападнала дека шири микроби.
Кимберли во продавницата влегла во својата работна униформа, а жената ја следела и ја нападнала што воопшто влегла.
Кога сфатила дека злоставувањето нема да престане, медицинската сестра почнала да ја снима жената.
„Знам дека не изгледам убаво додека плачам, но таа жена буквално ме следеше во продавницата и викаше дека не требало да ме пуштат да влезам да купувам, бидејќи носам униформа. Тврдеше дека не смеам да купувам работи кои не се основни (не знам како знае дека не купувам нешто за личност за која се грижам), наводно ширам микроби и корона. Ми се закануваше дека ќе ме пријави кај шефот, кој токму тој ми кажа дека не сум направила ништо погрешно“, напишала Кимберли после инцидентот.
Додала дека никој од луѓето за кои се грижи не е заразен од коронавирусот, па очигледно добро си ја работи работата.
„Викаше по мене десет минути пред да одлучам да ја снимам бидејќи ме следеше, а никој од вработените во продавницата не ми помогна, никој не застана во моја одбрана. Пар од Полска ми рече да не плачам и им благодарам. Ми се згрози од нејзиното однесување, не направив ништо погрешно“, напишала Кимберли.
