12.7 C
Ohrid
вторник, октомври 27, 2020
Почетна Македонија Додека бугарите го плукаат и исмеваат Грчко книжевно списание објави портрет на...

Додека бугарите го плукаат и исмеваат Грчко книжевно списание објави портрет на Блаже Конески

Translate (Eng):[gtranslate]

Грчкото месечно електронско списание за литература „Карта“ (“Χάρτης”, Νο.18, Ιούνιος 2020) објави извонреден портрет на Блаже Конески насловен „Житија на Блаже Конески“ ( Συναξάρια του Μπλάζε Κόνεσκι ), проследен со преводи на седум песни од поетската ризница на нашиот најистакнат книжевник и лингвист, именувајќи го „корифеј на духовниот живот на соседна Северна Македонија“, напиша на Фејсбук, писателот Томислав Османли.

Уредништвото изразува жалење што преводите се посредувани, направени преку англиски преводи на поезијата на Конески, додавајќи: „бидејќи не знаеме македонски, а со цел песните на Конески да стигнат до грчкиот читател, овој избор беше направен и покрај неговите очигледни ограничувања“.

Пријателски интонираниот текст – илустриран со сјајниот портрет на академик Конески, дело на академик Димитар Кондовски – завршува со изразување надеж „дека наскоро ќе има преведувачи кои ќе се заложат да ја препорачаат работата на Конески во нашата земја директно од оригиналот“.

РЕКЛАМА
- Реклами -