10.9 C
Ohrid
петок, октомври 30, 2020
Почетна Македонија СМЕСТУВАЧИТЕ ОД ОХРИД И СТРУГА ШТО ПРИМИЛЕ ГОСТИ - заработија кривични пријави

СМЕСТУВАЧИТЕ ОД ОХРИД И СТРУГА ШТО ПРИМИЛЕ ГОСТИ – заработија кривични пријави

Translate (Eng):[gtranslate]

Дури 22 сместувачи и угостители од тиристичките места низ земјава заработија кривични пријави, бидејќи не ги почитувале препораките за заштита од коронавирусот.

Раководителката на Инспекциски надзор, Мери Проја Продановска, денес во Охрид ги соопшти наодите на инспекциските служби, при зајакнатите контроли на угостителските и сместувачките капацитети за време на продолжениот викенд во Охрид, Струга, но и во останатите туристички меса низ државата. Државниот пазарен испекторат во моментот е со засилен надзор на правни субјекти на Охридското крајбрежје, а контроли се вршат со полициска асистенција со цел да обезбеди максимално почитување на мерките и протоколите за заштита од КОВИД-19.

„Од петокот до сега се утврдени 22 непочитувања на владините мерки од страна на категоризираните сместувачки и угостителски објекти и врз основа на членовите 205 и 206 од уредбата  за истите ќе бидат поднесени кривични пријави“, рече Проја Продановска.

РЕКЛАМА

Според неа, најголемиот дел од прекршувањата, и тоа осум, се во Охрид, четири во Струга, пет во Битола, три во Дојран, и по едно во Маврово и Кочани.

При направените надзори било утврдено присуство на гости во сместувачките објекти иако засега тоа не е дозволено. Исто така кај двајца угостители од Охрид е утврдено непочитување на протоколите и работното време.

Сепак, од контролите на терен рече Проја Продановска изминатите два дена кај поголемиот дел на правни субјекти може да се забележи почитување на владините мерки.

„Можеме да констатираме дека генерално економските оператори ги почитуваат протоколите, а ние  денес продолжуваме со работа на Охридското крајбрежје со засилени екипи од Скопје и со асистенција на полицијата“, нагласи инспекторката.

- Реклами -