Здраво за државата и за ДУИ е ДУИ да оди во опозиција. СДСМ ќе победи на изборите и нема да преговара со ДУИ за ваква влада каква што бара ДУИ, вели Заев во Клик Плус на ТВ 21 по предлогот на ДУИ дека е време за премиер Албанец.
„Предлогот на Ахмети е популистички чекор, основан на национализам заради политички калкулации и таа кампања е лоша за ДУИ. ДУИ ќе оди во опозиција и ќе губи гласови. Не можете тоа да го кажете на нашиот народ и да немате опис за кандидатот. Ја повредувате интелигенцијата на нашиот народ бидејќи се испраќа порака дека не зависи од граѓаните, ама се зависи од граѓаните, а најмалку од ДУИ и другите политички партии“ изјави Заев
Заев додаде дека ДУИ не го кажува кандидатот и нема да го каже, а Дестани дал демант јавно, и ДУИ нема да може да ги повика другите албански партии заедно и тука се покажува калкулантството
„Ако имаш кандидат кажуваш какви вредности има, друга работа е дека сите треба да знаат ќе губат гласови заради овие калкулации“, рече Заев
