25.9 C
Ohrid
четврток, јуни 24, 2021
Почетна Свет Сопственикот на ТикТок за време на Коронавирусот заработал вртолглави 5,64 милијарди американски...

Сопственикот на ТикТок за време на Коронавирусот заработал вртолглави 5,64 милијарди американски долари

Translate (Eng):[gtranslate]

Технолошката компанија од Пекинг, ByteDance, сопственик на апликацијата „TikTok“, оствари приход од околу 40 милијарди јуани (5,64 милијарди американски долари) во првиот квартал, што е за 130 проценти повеќе во однос на истиот период минатата година.

Клучен е придонесот од луѓето кои остануваат дома за време на корона кризата.

Целните приходи на ByteDance за 2020 година изнесуваат околу 200 милијарди јуани (26 милијарди долари). ByteDance сака да достигне половина од приходите на ривалот Tencent Holdings, изјавија информирани извори.

РЕКЛАМА

Тенсент, водечка кинеска компанија за социјални медиуми и видео игри, објави приход од скоро 377 милијарди јуани во 2019 година.

Апликациите ByteDance забележаа големо зголемување на употребата за време на пикот на пандемијата на „ковид-19“, затоа што луѓето остануваа дома и ги користеа заради мерките за ограничување.

Повеќето од приходите на ByteDence главно доаѓаат од рекламирање на нејзините апликации во Кина, вклучувајќи ја и апликацијата за собирање вести Џинри Тутиао, како и домашната верзија на „ТикТок“, велат извори.

Пред ByteDance, на кинескиот рекламен пазар доминираа Алибаба, пребарувачот Баиду и Тенсент.

ByteDance неодамна беше проценет на 95 од 140 милијарди американски долари на приватниот пазар за секундарно тргување, соопштија два извори.

Компанијата се обидува да го развие и зголеми приходот на „TikTok“ , па минатиот месец го назначи поранешниот извршен директор на Волт Дизни, Кевин Мајер, за нов извршен директор на „ТикТок“.

извор: канал 5

- Реклами -