Германија преку својата министерка за одбрана Анегрет Крамп Каренбауер понудила лекување на пациенти со Ковид-19 од Северна Македонија во своите клиники, соопшти вчера министерката за одбрана Радмила Шекеринска.
„Франција ја доби помошта од Германија за третман на пациенти во своите клиники и оваа понуда Германија ја дава на сите земји членки на НАТО. Таква понуда доби и нашата земја во телефонски разговор со германската министерка за одбрана пред еден и пол месец“, рече министерката.
Оперативниот план кој вчера го договорија министрите за одбрана на 30 земји-членки на НАТО предвидува создавање на заеднички залихи на медицинска опрема и кризен фонд вреден милиони за инвестиции во критични медицински резерви, соопшти генералниот секретар на Алијансата, Јенс Столтенберг.
