11.1 C
Ohrid
петок, април 25, 2025
ПочетнаМакедонијаВевчанци со своја национална криптовалута, која е наречена ''КриптоЛичник''

Вевчанци со своја национална криптовалута, која е наречена ”КриптоЛичник”

spot_imgspot_imgspot_imgspot_img
spot_img

Веројатно не постои Вевчанец било каде во светот кому барем еднаш во текот на денот мислата за миг не му одлета во родното Вевчани.

<

Веројатно, не постои таков кој не знае што значи датумот седми август во историјата на современо Вевчани. Најмалата општина на Балканскиот полуостров, општина Вевчани е одамна синоним за раѓањето на демократијата на овие простори, за победата на либерално-демократските вредности и слободи на залезот од југословенската федерација, но и за здрав и непоколеблив патриотизам и слободарски дух.

Во втората декада од дваесет и првиот век, во чест на 07. Август 2020 година, како иницијатива на неколку млади и високообразовани Вевчанци и во соработка со кабинетот на градоначалникот на Општина Вевчани – првата крипто-валута, насловена „Крипто Личник“ е пуштена во употреба со неколку трансакции на симболични суми од „Крипто Личник“ кон неколку заслужни граѓани за раѓањето и идејата на Република Вевчани. Авторот на националната крипто валута на Република Вевчани и нејзиниот иден почесен граѓанин е г. Јордан Стојановски, кој е докторант на компјутерски науки на Универзитот Мичиген и долго време работи на полето на безбедност на крипто -валутите и нивната употреба, а живее и работи во градот Њујорк. Врската Вевчани-Њујорк беше интензивна во овој подолго планиран проект, а Стојановски како голем вљубеник во Вевчани и инспириран од неговиот слободарски дух, ги надогради вевчанските пари – Личници во форматот на 21 век, крипто валута –„ Крипто Личник.“ . Телефонските врски на големи далечини се одамна реалност благодарение на „Пупиновите калеми“, па врската Вевчани – Њујорк не е воопшто нова. Така, личниците се конечно апгрејдирани -што би рекле едуцираните компјутерџии, или „кеш застана учителон Симун – кушувешов Јордан е добошка“ што би рекле старите Вевчанци.

Симболичката Вевчанска Република оваа крипто валута ќе ја усвои за своја национална крипто валута и со тоа станува втората земја во светот после НР Кина која има своја национална крипто валута. Можеби за многумина смешно, но ете, вистинито и реално.
Вевчанец, не е место на раѓање, Вевчанец е карактер и сон, пркос кон гола моќ и безумна сила, жед за напредок, вечна борба за слобода и правда, жед за светлина во духот и жед за знаење, бдеење и почит над традицијата, ама и вперен светол поглед кон иднината.
Во свет кој надмина седум и пол милијарди жители, Вевчанци и оние кои се чувствуваат како такви според својот карактер, волја и сој, сега поседуваат една од постоечките над 1200 крипто валути на денешницата.
Првпат употребените електрични пендреци врз цивилно население, врз мајки и деца се случиле во нашето Вевчани. Драги Вевчанци, така 07 Август 1987 година, остави жиг во нашите сеќавања и срца. Но, наместо страв и немоќ, тие кај нас ја доутврдија нашата желба за слобода и здрав дух, ние со сочуваните извори на нашата земја денес и подаривме едно од најубаво уредените туристички места. Без сомнение нејзиното најчисто и нај-еколошко населено место сме денес. Ниту село, ниту пак град, ами уникат, Держава Вевчани е приказна за себе! Убава приказна.
Денес, електричната енергија се користи за рударење на крипто-валути.
Да живее Вевчани и духот вевчански! Да не чуват личникон! За многу години!

Извор: Охрид Нет

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Исчезнувањето на Симона не е пријавено во МВР!

Дали Симона, поради чие наводно исчезнување се крена земјата на нозе, навистина е исчезната? Официјално, барем до сега, никој не пријавил исчезнување на лице...

Христово Воскресение 2 ден во Дортмунд- Германија

Христово Воскресение 2 ден Дортмунд ____ На вториот ден Велигден,Македонската Црковна општина св.Кирил и Методиј од Дортмунд имаше чест да биде посетена од Неговото Високо преосвештенство...

Исчезната е Симона Стојкова- Доколку некој има информации веднаш да пријави во МВР !!!

Краток опис Симона Стојкова има кафена коса и кафени очи со висина од 175 см и е на возраст од 35 години. Носи наочари и...

Викторија Трајков: Со градоначалникот Пецаков ја посетивме инклузивната игротека „Радост“ која е цел нов свет за околу 20 дечиња со церебрална парализа од Охрид...

Со градоначалникот Пецаков ја посетивме инклузивната игротека „Радост“ која е цел нов свет за околу 20 дечиња со церебрална парализа од Охрид и околината,...