23 C
Ohrid
недела, септември 20, 2020
Почетна Македонија СЗО ќе ја испитува новата руска вакцина ''Спутник 5''

СЗО ќе ја испитува новата руска вакцина ”Спутник 5”

Translate (Eng):[gtranslate]

Светската здравствена организација (СЗО) и руските власти разговараат за процес на можно тестирање на безбедноста и ефикасноста на новата вакцина против Ковид-19 одобрена во Русија, соопшти денеска портпаролот на СЗО Тарик Јашаревиќ.

Првата регистрирана вакцина во светот против вирусот корона беше наречена Спутник 5 по аналогија со лансирањето на првиот вештачки сателит на Земјата во 1957 година, според официјалната веб-страница на вакцината.

Спутник 1 ги интензивираше вселенското истражување низ целиот свет. Новата вакцина на Русија против „ковид 19“ создаде т.н. „Спутник момент“ за светската заедница. Благодарение на оваа споредба, вакцината беше именувана Спутник 5 се наведува во образложението за името на вакцината.

РЕКЛАМА

Исто така се додава дека Министерството за здравство на Русија ја регистрирало руската вакцина врз основа на аденовирус на 11 август, и со тоа стана првата регистрирана вакцина против новиот коронарен вирус САРС-СОВ-2 на пазарот.

„Оваа веб-страница е дизајнирана да дистрибуира детални и ажурирани информации за вакцината Спутник 5 и да се бори против кампањата за дезинформација на вакцините, започната во многу меѓународни медиуми“, се додава во соопштението.

Претходно, рускиот претседател Владимир Путин објави дека во Русија е регистрирана првата вакцина во светот за превенција на ковид 19, изработена од Националниот истражувачки центар за епидемиологија и микробиологија „Гамалеј“, во соработка со рускиот фонд за директни инвестиции.

- Реклами -