Над 200 компјутери од почеток на годинава донирал кавадарчанецот Борче Стаменов на деца од социјален ризик, со цел на есен да бидат подготвени за он лајн настава. Овој хуманитарец кој веќе 4 години се грижи компјутерите да завршат во рацете на оние на кои им се најпотреби, вели дека и државата треба во оваа насока да им помогне на социјално ранливите ученици, пренесе Сител.
Идејата на Стаменов да поправа стари компјутери и да ги донира на оние на кои им се најпотребни, се родила пред 4 години кога самохрана мајка дошла во фирмата каде тој работи и го замолила доколку може да и донира половен компјутер за нејзите три деца. Од тогаш на овој начин кавадарчанецот успеал да израдува над 300 семејства, ширум земјава.
Инаку граѓаните од социјален ризик кои сакаат да добијат компјутер, Стаменов може да го контактираат на фесбук страната „Донирај Компјутер“ или на твитер. На двете социјални мрежи може да му пишат и оние граѓани кои сакаат да донираат. Овој хуманитарец за својата работа досега има освоено повеќе награди, ко на некој начин дополнително го мотивираат да продожи да им помага на луѓето.
