Диџеј Панчо, често знае на социјалните мрежи да сподели некоја срцепарателна приказна и на тој начин да апелира да им се помогне на оние на кои таа им е најпотребна. Ова е една од тие приказни…
Веројатно и досега сте слушнале за Баба Ѓурѓа која иако е во својата длабока старост секој ден седи во Карпош 3 и продава букети од свежо набрано цвеќе, но ретко кој ја знае нејзината приказна.
Панчо ја изврши својата човечка одговорност и денеска ги купи сите букети кои баба Ѓурѓа ги продаваше со цел да може порано да си замине дома, па апелираше кој може истото да го направи некој друг ден, бидејќи таа без разлика на временските услови секој ден седи на истот место и со уморен поглед моли некој да купи од нејзините букети.
Имено, баба Ѓурѓа на овој начин на нејзини 88 години мора да заработува за да може да се грижи за своите внуци од синот кој е самохран родител, будејќи нејзината снаа за жал повеќе не е меѓу живите.
По ова голем број јавни личности, но и обични граѓани помагаат на бабичката, а Владимир Блажев, попознат како Панчо денес откри дека помош пристига и од преку границите.
Баба ЃУРЃА ве поздравува сите и вели дека ова е 5 ти ден по ред како што си заминува порано дома ( 11:45ч ) и не седи на 30+ и сето тоа благодарение на сите вас добри луѓе.
