За градските власти дождот е виновен што во Скопје има наезда на комарци. Скопскиот градоначалник вели прскале пред десетина дена и предупреди дека зачестените интервенции се опасни по здравјето на граѓаните. Токму временската прогноза го одложи за утре вонредното прскање од авион.
Со авионското прскање ќе бидат опфатени над 10 илјади хектари и 54 жаришта на комарци. За вонредната дезинсекција, Шилегов тврди дека нема да се потрошат дополнителни средства од градската каса.
Советничката група на ВМРО-ДПМНЕ го обвини градоначалникот дека е неспособен да се справи со комарците, а со тоа го загрозувал здравјето на граѓаните.
– Шилегов капитулираше пред комарците, а не пак да решава инфраструктурни проблеми на граѓаните на Скопје. Обично прскање против комарци се претвори во епска битка против злосторничките комарци што само ја покажува еклантната неспособност, неработа и популизам на Шилегов. Стои во реакцијата на советниците од опозицијата.
сител
