23.9 C
Ohrid
недела, јуни 29, 2025
ПочетнаМакедонијаОливер Спасовски го отвори Ролер ски купот ,,Тоше Проески” во Крушево

Оливер Спасовски го отвори Ролер ски купот ,,Тоше Проески” во Крушево

spot_imgspot_imgspot_imgspot_img
spot_img

Премиерот Оливер Спасовски денеска беше во посета на Крушево каде се обрати на отворањето на спортската манифестација Ролер ски куп „Тоше Проески“.

<

Спасовски, информираат од владината прес-служба, истакнал дека манифестацијата со право прерасна во традиционален спортски настан.

-Оваа година ниту пандемијата со КОВИД-19 не го спречи овој настан. Претставници од повеќе земји пристигнаа во прекрасното Крушево за да ги манифестираат и слават спортските вредности и да и пркосат на заканата по здравјето со афирмација на здравиот спортски живот и навики. Веќе нема сомневање дека овој спортски настан расте од година во година. Го зазема своето место како манифестација од големо спортско значење. Ролер ски купот „Тоше Проески“, како релативно нова спортска дисциплина, го зацврстува своето место во меѓународните спортски манифестации и календари“, рекол премиерот Спасовски.

Тој потенцирал дека Агенцијата за млади и спорт заедно со Скијачката федерација и со сесрдната поддршка на Општината и организацискиот одбор, за многу краток период успеаа да го издигнат ФИС Ролер ски куп „Тоше Проески“ на ниво на останатите меѓународни манифестации во регионот.

-Предноста на овие натпревари е дека резултатите се бодуваат исто како и на зимските натпревари, така што на овие натпревари нашите натпреварувачи и сите учесници добиваат бодови за крајната ФИС листа за бодување и пласман на зимските олимписки игри. Честа што ми е укажана вечерва е дополнително поголема од фактот што овој ФИС ролер ски куп го носи името на нашата најсјајна музичка ѕвезда, нашиот Тоше Проески. Оваа манифестација секоја година не собира во спомен домот на нашиот Тоше, со што овој спортски настан се облагородува од сеќавањата на неизмерниот талент и човечки вредности што Тоше Проески им ги подаруваше на сите нас, навел Спасовски.

Прогласувајќи го овогодинешниот Ролер ски куп „Тоше Проески“ за отворен, посакал натпреварите да течат во најдобар спортски дух, а на организаторите и на Општина Крушево уште еднаш им честитал за успешната реализација на оваа спортска манифестација.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Жена на возраст од околу 40 години се удави денеска во Дебарското Езеро

Жена на возраст од околу 40 години се удави денеска во Дебарското Езеро, во близина на градската плажа. Телото го забележале двајца граѓани кои...

По цели 10 години поминати во Австралија, Ненад и Мариа Стојменови решија да го напуштат Мелбурн и да се вратат во татковината.

По цели 10 години поминати во Австралија, Ненад и Мариа Стојменови решија да го напуштат Мелбурн и да се вратат во татковината. Нивната нова...

Стојанче Ангелов: Најдов двајца пилоти, од есен ќе започнат со обука

Директорот на Агенцијата за заштита и спасување, Стојанче Ангелов, во емисијата „Трилинг“ реферираше дека сите три противпожарни авиони ер-трактори се во функција, со тоа...

Андоновски: Доаѓа крај на хартиените документи – возачка и лична карта сè на мобилен телефон

На Самитот за дигитализација на Западен Балкан, што ќе се одржи на 1 и 2 октомври во Скопје, официјално ќе биде претставена македонската апликација...