Охридскиот суд одобрил, со кауција од по 15.000 евра, браќата Усеини да излезат од притвор.

Охридскиот суд одобрил, со кауција од по 15.000 евра, браќата Усеини да излезат од притвор.

Во моментов се чека одлуката на Апелацискиот суд во Битола, кој сега има рок од 48 часа да донесе конечна одлука. Судот во Охрид го укинал притворот, но тие остануваат во притвор до конечната одлука на битолска Апелација. Охридскиот суд одредил и соодветни мерки за претпазливост, а веќе во четврток на браќата Усеини им истекува 8 дневниот притвор. Тие сами се пријавија на 26-ти овој месец, откако претходно 6 дена беа недостапни за органите на редот, јави Тв Телма.

Браќата првично понудиле по 10 илјади евра како гаранција, достапност до надлежните органи и ветиле дека нема да го променат местото на живеење, но сумата била зголемена на по 15.000 евра, односно вкупно 30.000 евра.

РЕКЛАМА

Нефи и Ибро Усеини се осомничени за напад врз охриѓанецот Спиро Топаловски. Обвинителството води истрага за две кривични дела „насилство“ и „недозволено држење на оружје“. Топаловски најнапред изјави дека физичката пресметка се случила пред очите на неговиот малолетен син и дека во инцидентот бил изваден и пиштол, но потоа ја промени изјавата тврдејќи дека му се причинило дека видел оружје и дека станува збор за недоразбирање.

ТЕЛМА