Српскиот тенисер Новак Ѓоковиќ беше дисквалификуван од Ју-Ес Опен откако несакајќи удри линиска судијка со топче. Ѓоковиќ, кој е прв носител на гренд слемот во Њујорк, вечерва играше во четвртото коло против Пабло Буста и откако загуби гем во првиот сет фрли топче зад себе. Топчето погоди една од линиски судии, која падна на колена и се држеше за вратот.
<
По инцидентот имаше неколкуминутна дискусија на официјалните лица на теренот и потоа беше соопштено дека Ѓоковиќ е дисквалификуван. Ѓоковиќ беше најголем фаворит да ја освои титулата на Ју-Ес Опен, а сезонава досега нема загубено меч.
