16.9 C
Ohrid
понеделник, мај 20, 2024
ПочетнаСветЗалудно ја чекавме Оксфордската вакцина, поради безбедносни причини таа е стопирана !!

Залудно ја чекавме Оксфордската вакцина, поради безбедносни причини таа е стопирана !!

Британскиот фармацевтски гигант „Астра Зенека“ соопшти дека ги ставиле во мирување клиничките тестирања за вакцината против Ковид-19, откако кај учесник во тестирањата се појавила необјаснета болест.

Овој тип вакцина, кој се развиваше заедно со Универзитетот во Оксфорд, во светски рамки се сметаше за еден од главните кандидати за глобална вакцина против коронавирусот, но понатамошното истражување е стопирано поради болест кај еден учесник во студијата.

„Ова е рутинска постапка која мора да се преземе кога ќе се појави необјаснета болест на некое од нашите клинички испитувања за да се истражи случајот и да се задржи интегритетот на тестирањата“, изјавила портпаролката на „Астра Зенека“, Мишел Мексел.

Податоците од истражувањето сега ќе бидат анализирани од независен комитет, кој треба да утврди што точно се случило при тестирањето.

Од „Астра Зенека“ велат дека во вакви големи истражувања, некогаш и случајно се случуваат болести кај пациентите, но дека понатаму, податоците од нивните тестирања ќе бидат разгледани и анализирани од независни тела кои ќе треба да утврдат што точно се случило.

„Работиме на итна контрола на овој изолиран случај, за да го минимизираме потенцијалното влијание на времетраењето на тестирањата“, додала Мексел.

 

Оваа вакцина е веќе во подоцнежна фаза на клинички тестирања врз луѓе во Велика Британија, каде се разболел учесникот во студијата, како и во САД, Бразил и Јужна Африка.

Џули Фишер, професорка на одделот за микробилогија и имунологија на Џорџтаун Универзитетот, за Ал Џазира изјавила дека ваквите паузи се дел од процесот на развој на нов лек и клиничките тестирања.

„За да се суспендира истражувањето, случајот треба да биде сериозен. Нешто поврзано со срцето, белите дробови, бубрезите, или други делови од кардиоваскуларниот систем кој бара итна медицинска помош и кој е доволно сериозен да предизвика пауза во ова многу мажно истражување на вакцина со цел истражувачите да бидат сигурни таа да биде безбедна и дека здравствените проблеми не се предизвикани директно од вакцината“, вели Фишер.

Истовремено, девет водечки компании кои работат на вакцина против Ковид-19, вчера се заложија дека ќе ги почитуваат сите научни стандарди во глобалната трка за спречување на коронавирусот. Меѓу компаниите се „Астра Зенека“, „Фицер“, „Глаксо Смит Клајн“ и други.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Ален Деребан: Почитувани стружани, во среда има прегласување, не далат само 300 гласа за уште еден пратеник !

Почитувани стружани, Врз основа на одлуките донесени од Државната изборна комисија (ДИК), потврдени од Управниот Суд, на ден 22.05.2024 година (среда) гласањето ќе се повтори...

Трагично згасна животот на 18 годишен матурант во Македонија

Средното стручно општинско училиште „Моша Пијаде“- Тетово со емотивна објава се прости од својот матурант Елдон Шабани чиј живот згасна на трагичен начин. – Со...

Марија на матурската забава во Берлин се појави во македонска народна носија!

Марија на матурската забава во Берлин се појави во македонска народна носија! Марија со нејзините родители Игор и Бети Кирески со потекло од Гостивар, живеат...

Во завршна фаза градежните активности за партерно уредување на дворот во Охридската Гимназија

Градежните активности за партерно уредување на дворот на гимназијата „Св. Климент Охридски“ кои се одвиваат во овој момeнт се во завршна фаза. Треба да...