Советникот од ДУИ во охридскиот совет и бизнисмен, Нефи Усеини, денеска седна на обвинителна клупа во судот во Охрид, но само по 15 минути судијата Милчо Клишески го одложи главниот претрес за 26 октомври, затоа што во судницата не се појави Ибрахим Усеини, брат на Нефи.
Одбраната рече дека нему утрово му се влошила здравствената сосотојба, па во 9 часот се јавил на преглед во Кардиолошкиот центар во Охрид. Браќата се обвинети за кривичното дело насилство, по пријава на Спиро Топалоски, затоа што физички го нападнале на 18 август пред охридски хотел.
На првото судско рочиште не се појави ниту оштетениот Топалоски кој е и главен сведок, а одбраната образложи дека тој не дошол на судењето затоа што немало кој да ги чува неговите малолетни деца, а неговата сопруга работи во градинка и не може да отуствува од работа
-ВО СЛУЧАЈОТ СТАНУВА ЗБОР ЗА КРИВИЧНО ДЕЛО КОЕ Е ЗАГРОЗУВАЊЕ НА НЕЧИЈА НЕСИГУРНОСТ, ПРЕДИЗВИКУВАЊЕ НА СТРАВА, НО НЕ Е ВО ДОМЕНОТ НА ТЕШКИ КРИВИЧНИ ДЕЛА ВО КОИ ШТО МОЖЕ ДА ИМА ТЕШКА ТЕЛЕСНА ПОСЛЕДИЦА ИЛИ СМЕТНА ПОСЛЕДИЦА. КАЗНАТА Е ОД 6 МЕСЕЦИ ДО 5 ГОДИНИ, А ОВАА КВАЛИФИКАЦИЈА И ОВАА КАЗНА СЛЕДУВА ЗАТОА ШТО ДЕЛОТО Е СТОРЕНО ВО ГРУПА ОД ДВАЈЦА, ИЗЈАВИ ДИМИТРИЈА ЦОБОСКИ, АДВОКАТ НА НЕФИ УСЕИНИ.
Целосната сторија Тука- Телма
