Можно е зголемување на казните за неносење заштитни маски – одлука се уште нема и колку тие би биле високи, но Владата ја разгледува ваквата опција.
По 20 евра од први мај досега се казнети повеќе од 60 илјади граѓани, најмногу во Скопје 17.500. Тие што не ги плаќаат изречените казни ќе треба поминат судска процедура, но кога останува неизвесно. Министерот за внатрешни работи Спасовски очекува наскоро во Собрание да се донесат законите кои треба да се усогласат со Законот за прекршоци.
Спасови вели дека освен за несовесните граѓани кои не носат маски во затворен простор и таму каде што има гужва, полицијата прави и зајакнати контроли за сообраќајни прекршоци. Тоа што премиерот Заев и министрите Николовски и Филипче добија казни од по 50 евра зашто на мотор не носеа кациги, Спасовски вели се испраќа порака дека сите се еднакви пред законот.
Меѓудругото, Спасовски информираше за постапката на новите пасоши. Рече дека МВР работи на проектот и најави дека најверојатно на почетокот на следната година на нив ќе стои придавката “Северна”, а дотогаш нема да има проблеми со користење на постоечките патни исправи и обрасци.
