16 C
Ohrid
понеделник, октомври 26, 2020
Почетна Македонија Уште не почната падна страницата за онлајн-настава

Уште не почната падна страницата за онлајн-настава

Translate (Eng):[gtranslate]

Националната платформа за онлајн-настава падна за време на тестирањето и во моментов не е во функција. Учениците кои Министерството за образование ги повика да се запознаат со платформата пред почетокот на учебната година, не можат да се најават на своите профили.

„Тестирањето е дел од постапката за постигнување целосна функционалност на платформата. Во тест-фазата се детектираат и надминуваат сите предизвици. Со цел да обезбедиме потполно функционална платформа до почетокот на учебната година, тестирањата продолжуваат и во наредните денови“,велат од МОН.

Од МОН претходно ги повикаа учениците и родителите во текот на викендот да ја посетат платформата за да се тестира дали системот ќе го издржи оптоварувањето. Оттаму објаснија дека на платформата се поставени видеоупатства и прирачници, но и други содржини кои на лесен начин треба да ги водат корисниците низ платформата.

РЕКЛАМА

Министерката за образование Миле Царовска рече дека националната платформа обезбедува учење на пет јазици: македонски, албански, турски, српски и бошњачки и ќе ја користат 250 000 ученици и 25 000 наставници во јавните основни и средни училишта.

Царовска најави дека и самите ученици ќе може да ја дополнуваат и да ја надградуваат платформата, со што, заедно со наставниците, ќе им се овозможи директно да учествуваат во унапредување на образованието.

Платформата е изработена во соработка на МОН со ФИНКИ и со помош на МАСИТ.

 

- Реклами -