10.1 C
Ohrid
петок, октомври 30, 2020
Почетна Македонија Заев: НАТО ќе ни помогне да се приклучиме на терминалот за гас...

Заев: НАТО ќе ни помогне да се приклучиме на терминалот за гас во Грција.

Translate (Eng):[gtranslate]

Македонија се приклучува во енергетски проекти и станува коридор преку кој ќе може да се снабдуваат со гас земјите од регионот и оние што ќе изразат интерес.

Владата изразила интерес за вклучување во изградба на интерконекторот во Александропулос, а поддршка за реализација на проектот е изразена од САД и на средби во Грција.

– Со поддшка на САД како наш стратешки партнер и сојузник во НАТО, С. Македонија во наредниот период ќе иницира неколку проекти кои ќе бидат значајни за земјата и регионот. Станува збор за вклучување на земјата во изградба на терминалот за течен природен гас во близина на Александропулос, проект кој создава можност за трајно и стабилно снабдување со гас на нашата земја, која ќе стане и точка од каде гасот ќе се дистрибуира во регионот и земјите што ќе покажат интерес. Ова поврзување со Грција, со поддршка од САД и ЕУ, ја прави нашата земја енергетски коридор за земјите од ЈИЕ за алтерантивен пристап до значајни енергетски ресурси. Сето ова ја прави разликата што ја направивме за овие три години, истакна премерот Заев вчера по средбата со помошникот државен секретар за енергетика на САД Францис Фанон.

РЕКЛАМА

Како што потенцира премиерот, овие проекти на нашата земја ќе и обезбедат стабилно и континуирано снабдување со гас, независност и конкурентни цени што е во согласност со нашата дологорочна енергетска стратегија. Според него, ова поврзување е значајно, бидејќи ќе обезбеди уште една можност за добивање гас од Азербејџан.

 

– Ова поврзување со Грција со поддршка од САД и ЕУ ја прави нашата земја енергетски коридор за земјите од ЈИЕ за алтерантивен пристап до значајни енергетски ресурси. Сето ова ја прави разликата што ја направивме за овие три години. Од земја што беше ставена на последниот, изолиран и маргинален енергетскит колосек и која беше ставеа во ситација да биде зависна од само еден коридор, сега е интегрирана во енергеските проекти и вклучена во иницијативи за енергетско поврзување, рече премиерот.

Фанон по средбата оцени дека земјава има јасни чекори каде ќе се гради како регионален актер и тоа го поздрави и ја изрази поддршката на САД.

 

– Она што го гледаме овде е навистина трансформативно. Ја гледаме еволуцијата на еден нов енергетски развој. Грција е еден вид предводник во тоа со оглед на инфрастуктурата што ја има за прием на овие ресурси, но гледаме натаму со ваквите приклучоци на помали земји во еден поголем пазар, кој може да ги катализира инвестициските можности што ќе овозможи трансформативен економски прогрес на земјата, но и на целиот регион, изјави Фанон.

Тој информира дека го посетил интерконекторот што ги поврзува Грција и Бугарија, кој ќе го води гасот преку Бугарија и потоа другите приклучоци преку Македонија и изрази задоволство што нашата Влада покажала интерес за вклучување во проектот Александропулос.

– Секогаш кога САД ќе видат опции за енергетика тоа има поширок ефект врз намалуавње на цените и подобрување на стабилноста на снабдување на потрошувачите. С. Мадедонија има таква значајна можност во смисла на гасот, но и за интеграција на обвновливи енергетски ресурси заедно со гасот, потенцира Фанон.

Покрај овој проект, искажана е поддршка и за ставање во функција на нафтоводот Солун-Скопје.

– Раговаравме за повторно ставање во функција на гасоводот Солун-Скопје кој е изграден во 2000 година и кој престана да работи од 2013. Претстојат преговори со Хеленик петролеиум и се надевам ќе изнајдеме пријателско решение за овој капацитет да биде ставен во функција брзо. Хеленик петролеум е заинтересирана да го стави во функција и да го надгради како продуктовод на деривати. На тој начин ќе биде создаден хабцентар и освен домашниот би се снабдувале и пазарите на другите земји од регинот, истакна Заев по средбата.

- Реклами -