13.9 C
Ohrid
четврток, март 28, 2024
ПочетнаСветРама брзо се предомисли за бришење на границата со Косово: „На тоа...

Рама брзо се предомисли за бришење на границата со Косово: „На тоа би се противеле Белград, Вашингтон и Брисел“

Премиерот на Албанија Еди Рама кажа дека „Албанија и Косово не можат да одлучат да ја избришат границата бидејќи на тоа би се противеле Белград, Вашингтон и Брисел“, и тоа би го толкувале како „голема Албанија“.

По средбата на албанската и косовската влада во Тирана, прашан зошто границата сѐ уште не е тргната, Рама кажа дека такво нешто не може да се случи без регионален договор.

„Грешка која често се прави, а некои други ја направија затоа што не сакаат да сфатат, бидејќи не ги интересира подлабоко, но тоа едноставно им се допаѓа како бајка“, кажа Рама.

Додаде дека тоа се категории на луѓе кои не ја разбираат едноставната врска меѓу ослободување на бариерите меѓу Косово и Албанија и регионалниот „мини Шенген“, како и дека во договорот потпишан во Белата куќа во една од своите точки го вклучува прашањето на „балјанскиот Шенген“.

Истакна дека сите овие години слуша дека границата ќе се избрише, дека на премините нема да има чекање, но дека тоа не се случува.

„Тоа не се случува, а ништо друго не се случува како што треба, бидејќи ако тоа не се случи во регионален контекст, тоа не може да се случи ни во билатерален контекст“, кажа Рама.

Истакна дека тие кои тоа го промовираат или го прават намерно, или не го сфаќаат/

„Албанија и Косово не можат билатерално да одлучат да ја отстранат границата, бидејќи не би се кренал само Белград, туку и Вашингтон и Брисел – првото нешто што ќе го кажат е голема Албанија“, истакна Рама.

Поставувајќи го прашањето – што е тогаш начинот, тој кажа дека „начинот е од свој интерес, во своја корист, а не во корист на другите, да влеземе во тој контекст таму каде што веќе влеговме“.

„Денес разговаравме за отстранување на границата. Можете да бидете сигурни дека не постои начин некој од Белград или од Брисел да дојде и да каже „голема Албанија“, бидејќи веќе влеговме во регионалниот процес“, кажа Рама.

А за обвинувањата дека со „мини Шенгенот“ Србија ќе добие излез на море, тој истакна: „Морето им припаѓа на Албанците, не им припаѓа на Србите, пристаништето им припаѓа на Албанците, не им припаѓа на Србите“.

spot_img
spot_img
ПОВРЗАНИ СТАТИИ

Најпопуларни

Повеќе постови

Општините ќе можат да конфискуваат дивоградби и наместо да ги уриваат да ги доделат на користење на ранливи групи

Општините ќе можат да конфискуваат дивоградби и наместо да ги уриваат да ги доделат на користење на ранливи групи или младински организации. Како што...

Дуел Ковачевски-Мицкоски на трети април!

Во Среда на 3 април, ден пред стартот на предизборната кампања за претседателските и парлемнатрните избори, Канал 5 телевизија ќе има чест да ви...

Ангелов: Ако победи СДСМ би работел за нив и како експерт, ама за плата од 5.000 евра

Прашан дали, ако СДСМ победи на изборите, ќе го напушти ВМРО-ДПМНЕ и ќе се врати во СДСМ, Стојанче Ангелов, претседателот на партијата „Достоинство“ синоќа...

Илија Јовановиќ: Бебиња се евидентирале како мртви и се продавале на други?!

Дома СКОПСКА СКОПСКА Бебиња се евидентирале како мртви и се продавале на други?! Од страна на Вечер -27/03/2024 - 15:08420 Илија Јовановиќ, претседател на здружението „Градиме...