16 C
Ohrid
четврток, октомври 29, 2020
Почетна Свет Приближно десет проценти од светската популација веќе била заразена со коронавирус, изјави...

Приближно десет проценти од светската популација веќе била заразена со коронавирус, изјави експерт на Светската здравствена организација (СЗО).

Translate (Eng):[gtranslate]

Приближно десет проценти од светската популација веќе била заразена со коронавирус, изјави експерт на Светската здравствена организација (СЗО).

 

Мајк Рајан, раководител на одделот за кризни ситуации на СЗО, изјави дека пандемијата се забрзува во делови на југоисточна Азија, и дека бројот на случаи и смртни случаи расте во делови на Европа и регионот на источен Медитеран.

РЕКЛАМА

„Нашите најдобри проценки во моментов ни покажуваат дека околу 10 проценти од светската популација веќе била заразена со овој вирус“, објави Рајан.

Тој предупреди дека 90 проценти од светската популација сè уште е изложена на ризик да го фати ковид-19.

Говорејќи на состанокот на 34-члениот извршен одбор на СЗО, фокусиран на ковид-19 во понеделникот, д-р Рајан рече дека бројките варираат од урбани до рурални средини и меѓу различни групи, но тоа на крајот значи дека „огромното мнозинство од светот е изложено на ризик“.

Тој рече дека пандемијата ќе продолжи да се развива, но дека постојат алатки за да се сузбие трансмисијата и да се спасат животи.

„Се приближуваме до тежок период. Болеста сè уште се шири“, додаде тој.

СЗО исто така објави дека избрала експерти за меѓународна мисија во Кина за откривање на потеклото на вирусот, но тие допрва треба да бидат прифатени од кинеските власти.

мкд.мк

- Реклами -