Момчето Карло Акутис од Италија имало 15 години кога во 2006 година починал од леукемија, но тоа сега се нарекува „светец заштитник на интернетот“. Католичката црква е на пат да го прогласи за првиот миленијалец светец, бидејќи момчето го користело интернетот за да ја шири верата.
Како што објавија италијанските медиуми, во саботата бил беатификуван на церемонија во градот Асизи, што е последен чекор пред некој да се прогласи за светец. Овој тинејџер бележел наводни чуда и помагал во водењето на сајтови на католички организации.
Акутис се нашол во овој процес откако Ватикан пресудил дека со чудо го спасил животот на едно момче. Црквата тврди дека тој интервенирал од небото во 2013 година за да излечи дете од Бразил кое патело од ретка болест.
Церемонијата е одржана во Базиликата Свети Франческо Асишки во саботата, каде бил откриен негов портрет, а насобраните го фалеле поради неговата добротворна работа.
– Карло го користеше интернетот во служба на Светото писмо за да допре до што повеќе луѓе – рекол кардиналот Агостино Валини на церемонијата.
