2.9 C
Ohrid
вторник, февруари 11, 2025
ПочетнаМакедонијаЗоран Заев, заедно со градоначалникот на Крушево, Томе Христоски присуствуваа на откривање...

Зоран Заев, заедно со градоначалникот на Крушево, Томе Христоски присуствуваа на откривање на спомен обележјето на Тоше Проески

spot_img

Денеска, претседателот на Владата на Република Северна Македонија, Зоран Заев, заедно со градоначалникот на Крушево, Томе Христоски присуствуваа на откривање на спомен обележјето на Тоше Проески и положија свежо цвеќе на неговото вечно почивалиште.

<

Посебен момент и големо значење на настанот дадоа и маратонците кои трчаа од Табановце преку Скопје до Крушево за да одадат почит на музичкиот великан Тоше Проески.

Во продолжение Ви го пренесуваме интегралното обраќање на премиерот Зоран Заев во целост:

„Денеска сме тука за да поклониме пред вечното почивалиште и спомен обележје на нашиот голем сограѓанин и интернационално прифатен естраден уметник – Тоше Проески, како наша должна почит за момчето со големо срце кое беше преполно со љубов, добрина, хуманост, верба, човечност и бескрајна посветеност и верност кон музиката.

Му оддадовме достојна почит на нашиот Тоше пред реализираното идејно решение на неговото вечно почивалиште, кое се оформи како конечно низ постојана комуникација и консултација со родителите на Тоше.

Од денеска натаму сите ние, како и сите фанови на Тоше од другите земји, ќе можат да се поклонат пред неговото вечно почивалиште кое како симбол ја одразува искрената религиозност на Тоше Проески и вербата во Бог кој тој ја споделуваше и преку неговата музика.

Тоше на најдобар можен начин, успеа да го обедини Балканот. Онака како што треба, успевајќи со својата искрена желба, неповторлива харизма и со своите безвременски песни да ги премости сите навидум непремостиви нешта. Тоа е нашата македонска гордост, кој со својот ангелски глас и непосредност, полнеше стадиони, плоштади и сали, каде и да се појавеше.

Огромното влијание и споменот на неговата силна личност и исклучителен талент, никогаш не ги оставија без посетители неговото гробно место и спомен куќата, но од денеска натаму имаме вечно почивалиште и спомен дом достојни за големината на Тоше.

Загубата на Тоше Проески со ништо не може да биде надоместена. Но, затоа е тука вечното сеќавање на благородната душа која со своите постапки и со своите песни обележа цела една епоха од нашето културно и естрадно творештво.

Беше Амбасадор на добрата волја на УНИЦЕФ. Голем хуманист кој заслужено ја доби наградата „Мајка Тереза”, бидувајќи до крај доследен на неговата изјава: „блажена е душата што дава”. Тоа е нашиот Богољубив Тоше Проески. Зад него останаа да се прераскажуваат убавите приказни за манастирот Свето Преображение во Крушево, за Клиниката за детски болести, за сите негови хуманитарни концерти и животни епизоди полни со човекољубие и милосрдие.

Затоа треба да сме му бескрајно благодарни, да го чуваме неговото дело и да го пренесуваме на идните поколенија, кои гордо ќе го спомнуваат и ќе ги пеат неговите песни. Дури и сега кога светот се соочува со огромни предизвици и искушенија, треба да знаеме дека и ние сме дел од тој свет, па да ги ползуваме стиховите од песната „За овој свет” со која Тоше ни порачува: „За овој свет, еден и единствен, треба сѐ да сториме, само тој го имаме”.

И ако светот се соочува со проблеми кои имаат свои импликации и во нашето општество, треба да знаеме дека еден ден тие ќе поминат. Но, она што треба да не загрижува, е се поголемото отсуство на љубов меѓу луѓето. Во ваква состојба треба да си спомнеме на Тоше и на неговите често изговорени зборови „Ве сакам сите”. Треба да ги собереме плодовите од семето на љубовта што го посеа Тоше на оваа македонска почва. Земајќи го урнекот за љубовта од него, ќе можеме да ги победиме и омразата, и поделеноста и злото, наталожени во душите низ годините наназад.

Тоше никогаш ниту физички, ниту духовно не го напушти Крушево, иако заради неговата интернационална кариера му беа отворени вратите на сите позначајни музички метрополи.

Таа негова присутност е силна и денеска и духот од песните и споменот на Тоше денеска се дел од препознатливата иконографија за Крушево, полно со историски знаменитости и современи атракции кои го направија градот важна и посакувана дестинација во меѓународни рамки.

Голема заслуга и благодарност за тоа му припаѓа и на нашиот Тоше Проески, а наша обврска останува и понатаму достојно да му се оддолжиме за неговиот придонес со постојано сеќавање на неговите музички и хуманитарни остварувања.

Нека ни е вековит споменот за ангелот македонски“.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Детали за убиството во Чаир: Се скарале во сообраќај па извадиле пиштоли и почнале да се пукаат

На 10.02.2025 околу 23.50 часот во СВР Скопје било пријавено дека на паркинг простор на подрачјето на Чаир, поради претходно недоразбирање во сообраќајот, настанала...

Пукано во членови на семејство на функционер на ДУИ, едно лице починало, другото е рането

Едно лице е убиено, а едно е повредено во престрелка што рано изутрина се случила во населбата Топанско поле во Скопје. Според информациите на Канал...

Трајко Славески за синдикалната кошничка: Едно семејство има три, а не четири члена

Професорот и претседатавач со Советот на Град Скопје,Трајко Славески,со објава на Твитер ја оспори синдикалната месечна потрошувачка кошниц, која покажува колку пари се потребни...

Четири лица, од кои тројца полицајци, повредени во сообраќајка кај Струга

Четири лица, од кои тројца полициски службеници се повредени во сообраќајна незгода што вечерва се случила на магистралниот пат Охрид – Струга, кај крстосницата...