Шведска имаше поинаков пристап за разлика од останатите земји кога е во прашање сузбивањето на ширењето на коронавирусот.
Во скандинавската земја уште на самиот почеток на ширењето на вирусот останаа отворени училиштата, рестораните и останатите субјекти, а сега кога е во ек вториот бран на вирусот, Шведска бележи благ пораст на бројот на новозаразени.
Сепак, главниот шведски епидемиолог Андерс Тегнел вели дека земјите како Франција, Шпанија и Холандија сега влегуваат во вториот бран на коронавирусот, а тоа не е случај и со Шведска.
„Тоа би значело дека вирусот се шири во поголеми делови од земјата, а ние тоа во Шведска го немаме“, порача Тегнел и сепак додаде дека порастот на бројот на новозаразени треба да се сфати многу сериозно.
