Kлиниките во Македонија се полнат, власта не убедува дека состојбата е под контрола.

Расте бројот на заболени од коронавирусот, како и бројот на хоспитализации. Во болниците во земјава се лечат над 450 пациенти.

Има ли земјава доволно лекови потребни за третман на болните заразени со коронавирус, особено оние кои се во потешка состојба и се на болничко лекување.

Министерот за здравство Филипче пред неколку дена изјави дека во нашите болници има доволни количества на лековите ремдесивир и фавипиравир, но и други потребни медикаменти со кои се третираат болните од ковид.

РЕКЛАМА

Најави дека ќе се набавуваат и дополнителни колични, но предупреди дека тие се даваат само во болнички услови и кај одредени форми од болеста, по клиничка слика.

„Мора да имаме предвид дека ова е лек кој се дава во болнички услови и се дава по строга индикација на болеста на една од формите на болеста кои може да се манифестираат кај пациентите, значи не кај сите, а после направени крвни анализи. Ние го имаме лекот ремдесивир, го имаме и лекот фавипиравир, има и некоја терапија која исто се дава во комбинација или посебно од овие два лека. Со помош на кредитот од Светска банка тогаш кога ќе помине Законот во Собрание, ќе започне и постапка со која ќе се купи дополнителна количина за целата 2021 година. Значи, лекови има од секој тип сосем доволно, но тоа се лекови што не се даваат надвор од болница“, рече тогаш министерот Филипче.

На интернет може да се најде податок дека во земјава, преку амбасадата на Јапонија, кон крајот на јуни бил донесен лекот фавипиравир, кој се покажал добар за лекување на Ковид-19. „Денеска преку итна неповратна помош, преку Амбасадата на Јапонија го добивме лекот „фавипиравир“, за земјите погодени од вирусот. Добивме за 100 пациенти. Станува збор за антивирусна терапија која што во Јапонија се користи за третман на инфлуенцата од 2014 година. И сѐ уште не е одобрен да биде специфичен лек за Ковид-19, но во тек се бројни клинички студии. И веќе има добри резултати, не само во Јапонија туку и во повеќе земји“, изјави тогаш министерот.

А деновиве, пак, д-р Дејан Глишовиќ, дел од тимот од Чикаго, кој е заслужен за тестирање на ремдесивир, даде изјава во врска со лековите што се користат за ковид. 

„Освен ремдесивир, тестирани се уште два слични лекови – фавипиравир и меримеподиб, но ниту еден не покажал ефикасност. Хидроксихлорокин, кој дури и претседателот на Соединетите држави, Доналд Трамп, честопати го промовираше порано, доби привремено овластување од ФДА ова лето, но тоа беше повлечено затоа што не беше докажано дека лекот работи против коронавирусот. Конвалесцентната плазма (плазма од донатори кои биле подложени на КОВИД-19) се користи со различен успех, а во тек се студии за терапија со моноклонални антитела „Регенерон“, чии резултати ги очекуваме “, изјави за Нова.р.с. д-р Глишовиќ, медицински директор за интерна медицина во компнијата „Pharmaceutical Research Associates“.

фактор