Професорот Вело Марковски во емисијата „Клик Плус“ на ТВ21 вечерва истакна дека носењето на маска на отворено е штетно и објасни зошто е тоа така.
– Исфрламе милијарда микроорганизми со кивање. Сега ние одеднаш правиме нова состојба. Не дозволуваме да излезат од нашето тело, и цело време ги вдишуваме. Да не зборуваме дека белите дробови се главниот контролор на ПХ на крвта. Сега и тоа го компромитираме. Имаме проблем со децата. Ајде кога возрасен не може да диши, ќе ја трне маската, ама детето не може, и тука настанува проблем. Така да, носење на маска е штетно. На отворено зборувам – рече Марковски.
Тој смета дека има различно лекување доколку имате лесни, тешки и најтешки симптоми.
– Ако е чисто ковид, мора да се оди симптоматски. Да не се оди со лекови за кашлање, за искашлување. Ако пациентот има само лесни симтоми, доволно е само витамини, мирување, чаеви… Ако е компликација бактериска, да се види која бактерија е, и да се лекува бактеријата. Ако падне во тешка состојба. Доколку стигне до интензивна нега, тогаш треба да е оцени кое време се ставаат на респиратор – рече Марковски.
Марковски смета дека ова сега што почнува со голем број на позитивни случаи, можеби е почеток на епидемија, и дека ова досега не било епидемија. За него било апсурдно да се носат такви карантински мерки со затворање кои донеле повеќе штета.
– Апсурдно беше да се носат такви мерки како затворање, карантини, вонредни состојби, си направивме огромна штета. Ова што почнува сега можеби е почеток на вистинска епидемија, ова до сега – не беше – смета Марковски.
Тој смета дека во месеците август и јули прикажувавме по 300-400 болни, а биле само 20-30.
– Оваа метода не покажува болест. И тука имаме проблем, и ние позитивните ги покажувавме како болни, и си направивме огромна штета врз економијата. Ги затворија границите ги затворија, затоа ги кажувавме по 300 по 400 болни, а тие беа само позитивни. Во тие месеци имавме само по 20-30 болни – смета Марковски.
Позитивен тест на коронавирус без симптоми не е болест. Ова го кажа проф. д-р Вело Марковски во вечерашното гостување во „Клик Плус“ на ТВ21. Тој даде објаснување што значи и како реагира телото кога има болест, и дека позитивен тест не е болест, туку може само да е инфекција.
– ПЦР технологија открива секвенции на вирусот, не жив вирус, затоа не мора да значи болест. Но, вирусот може и да постои. Кога ќе навлезе, тоа е инфекција, и таа може да се докаже со серолошки тестови. Не мора пациентот да има симптоми, а кога ќе има симптоми, тогаш е болест – објасни Марковски.
Тој смета дека овие ПЦР тест кои се бараат за да се оди во друга држава, се голема грешка, и дека требаат и серолошки тестирања.
– СЗО дури во претходните епидемии со САРС 1 и со Мерс бараше двете методи да се користат, односно да не се користи само ПЦР технологија без серолошки тестови. ПЦР се оспорува бидејќи таа не е за ваква масовна употреба – вели докторот.
Марковски објасни како да се разликува коронавирусот од обичен грип.
– Треба да ги разликува науката, но не само кај нас, туку во речиси држави нема некоја силна инфектологија, и не се вклучени луѓето кои се најстручни во горнореспираторни инфекции. Најголемиот проблем сега ќе прави грипот и обичната настинка. Аденовирусите се најпрви на листата, па доаѓаат риновирусите, а коронавирусот се четврти на листата. Над 200 риновируси даваат обична настанка. Нормално е во сезоната да имаме 3-4 епидемии со риновируси и аденовируси. Риновирусот на пример нема температура и не бара отсуство од работа – рече Марковски.
Професорот Марковски истакна дека во ова време сега, ќе биде многу лошо ако сите инфекции ги ставаме во „кошот“ на ковид.
– Посебно во овие есенски и зимски месеци доаѓаат, каде што ќе има и други инфекции, и ќе биде многу лошо ако сите тие ги ставаме во ковид кошот – рече Марковски.
