17.9 C
Ohrid
недела, мај 19, 2024
ПочетнаМакедонијаВо прилепската болница нема кој да лекува !!!

Во прилепската болница нема кој да лекува !!!

Во Прилепската градска болница, во Инфективното и во ковид-центрите моментално се хоспитализирани околу 60 пациенти. Проблем е недостатокот на медицински персонал, особено на медицински сестри.

– Половината од пациентите се на Инфективното одделение, дел во ковид-центарот – во одделението за уво, нос и грло во болницата, а дел има во Очното одделение кое функционира како Ковид-центар. Од нив, 20-ина се на кислородна поддршка – изјави директорот на болницата Драган Богоески.

Тој додаде дека дел од персоналот е позитивен на вирусот и оти недостигаат болничари и медицински сестри.

– Денес успеавме да најдеме кандидати кои сами се пријавуваа. Останува проблемот со медицинските сестри. Но, во моментов се на располагање оние кои немаат доволно работно искуство, но мора да ги ангажираме. Вклучен е целиот медицински персонал од сите одделенија во болницата. Имаме доста персонал кој е болен или позитивен на ковид-19 и тоа во голема мера многу ни ја отежнува работата, истакна Богоески.

Од 20-та специјализанти кои се очекувале на помош, се вратиле 15-ина и сите ќе бидат ангажирани.

– Сите специјализанти ќе бидат ангажирани во одделенијата кои се ковид-центри – во одделението за уво, нос и грло, на очното и на интерното оддление, според распоред. Дел од нив ќе бидат ангажирани во инфективното одделение каде е многу зголемен обемот на работа – вели Богоески.

Тој не знае кога ќе стигнат брзите тестови, но апелира граѓаните кои немаат симптоми, иако имаат член од семејството позитивен на ковид-19, да не брзаат да се тестираат.

– Тестирањето не обезбедува лекување. Најмногу им е потребно на оние кои имаат тешки симптоми. Не знаеме кога ќе ги добиеме брзите тестови, ама важно е да им излеземе во пресрет на сите кои имаат компликации – вели Богоески.

Според Богоески, сите одделенија во прилепската градска болница нормално функционираат и не се запоставуваат тековните пациенти.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Во завршна фаза градежните активности за партерно уредување на дворот во Охридската Гимназија

Градежните активности за партерно уредување на дворот на гимназијата „Св. Климент Охридски“ кои се одвиваат во овој момeнт се во завршна фаза. Треба да...

Сиљановска Давкова назначи нов генерален секретар, познатиот новинар ќе биде негов заменик

Претседателката Гордана Сиљановска Давкова ги има првите кадровски решенија за во Вила Водно. Досегашниот генерален секретар Миле Бошњаковски и неговите заменици Билјана Радева и...

Деветмесечно бебе почина во Општата болница во Охрид.

Деветмесечно бебе почина во Општата болница во Охрид. Портпаролот на СВР Охрид, Стефан Димоски вели дека случајот е пријавен во полиција вчера во 08:10 часот. -...

Незаконски се гради нов стадион во Тетово, имотот е на државата, а не на општината

Одлуката која што ја донел Советот на Општина Тетово во септември минатата година, со која тетовскиот градски стадион го доделил на трајно користење на...