За жал денес изгубивме уште еден млад човек кој не успеа да се избори со оваа страшна пандемија. Пред два дена го изгубивме Марјан Ѓерѓев на 26 годишна возраст, денес почина и неговиот брат Горан Ѓерѓев на 21 годишна возраст. Трагедијата е огромна и нема зборови кои можат да дадат утеха на семејството Ѓерѓеви во овие моменти.
Жителите на Кавадарци кажуваат дека се работи за чесни и работливи луѓе. Марјан бил возач на автобус во кавадаречка компанија. Се занимавале и со одгледување на пчели а Горан, пак, неодамна и дипломирал.
„Се радуваа на животот. Беа среќни. Никој не можеше да замисли дека за само неколку дена ќе не напуштат и двајцата. Голема трагедија е и за семејството, но и за нас другарите и пријателите“ низ солзи ни раскажуваат нивни блиски пријатели.
Шило Магазин изразува сочуство до фамилијата и нивните сограѓани за големата загуба на овие два млади човечки животи !!!! <3
