74 годишниот градежен инжинер Гоце Најдески од селото Белчишта Дебарца, изработува макети на охридските и селските цркви и манастири.
Изминативе десет години направил стотина модели, Плаошник, Свети Наум, Света Петка, Свети Климент , Свети Атанасиј , ги изработил и подарил на црквите каде се изложени за верниците.
Минијатурните модели се вистински ремек дела комбинирани од дрво и камен. Вели тоа е работа која бара време , трпение, концентрација и љубов.
– „Седнувам три четири саати работам се одмарам. Ми доаѓа идеја па продолжувам. На пример Плаошник е огромна. Го одредувам прво размерот па потоа работам. Ги лакирам со бродски лак и ова може да трае сто години“, вели Гоце Најдески макетар од Дебарца.
Во пандемијата изминатава година има повеќе време за усовршување на своето хоби. Во неговата уметничка колекција има и џамија, Ајфеловата кула, запрежни коли, разбој, бунарот и водениците во Дебарца.
– „Пешачев до Света Петка и ја направив најдолго време ми требаше. Компплетно со се конаци се и оставена е горе во црквата Света Петка. Овие макети ги изработувам исклучиво од кибритки. Барутот му го ваѓам и само кибритка до кибритка“ , додава Нјадески.
За своите уметнички модели дедо Гоце потрошил илјадници кибрити и цела пензионерска деценија, вели на овој начин ја изразува љубовта кон богатото културно историското наследство и традиција.
Новинар Соња Рилковска Охрид Нет
