Завчера во Клинички центар во Скопје се случил сериозен инцидент предизвикан од двајца ковид позитивни пациенти и негови другари.
Инцидентот кој се случил во модуларната Ковид амбуланта на Пулмологија ја предизвикало момче кое дошло со мајка му, а и двајцата биле позитивни на ковид 19, пишува порталот Либертас.
Двајцата без маски сакале да влезат во амбулантата и кога биле опоменати да не влегуваат без маски и двајцата во исто време заради ковид протоколот, момчето почнало да вика и да се заканува и на крај го нападнал болничарот.
Откако си заминале тој повторно се вратил, но овој пат со група другари со возила без регистарски таблички, влегле во амбулантата и го нападнале болничарот. Кога дошла полиција тие се тепале и со полицајците и се е снимено на безбедносните камери велат за Либертас од Клиниката за пулмологија.
Пред полицијата дури и му се заканувале на болничарот дека кога ќе си оди полицијата тие ќе го ,,средат“.
Инцидентот е пријавен во МВР, велат од Пулмологија и додаваат дека ја разбираат паниката и стравот кај граѓаните од пандемијата, но не и силеџискиот однос кон медицинскиот персонал и непочитувањето на протоколот во амбулантата, кој е ист за сите.
Згора на тоа, сакаат да влегуваат без маски, се заразени со вирусот ковид 19, пишува Либертас.
