19.9 C
Ohrid
недела, мај 19, 2024
ПочетнаМакедонијаМакедонско вино од Камник меѓу десетте најдобри во светот

Македонско вино од Камник меѓу десетте најдобри во светот

Тен Барелс Сира 2017 Резерва (Ten Barrels Syrah 2017 Reserva) од Винарија Камник доби златен медал и е прогласено за едно од најдобрите 10 Сира вина во светот, на Сира ду Монде 2020 (Syrah du Monde 2020), Меѓународен натпревар за најдобрите Сира вина. Сира 2017 од Винарија Камник го зазема престижното второ место претставувајќи ја нашата држава, пред пласираните производители од Австралија, Франција, САД, Португалија, Канада, Јужна Африка.

Четиринаесеттиот квалитативен натпревар на најдобрите светски вина Сира/ Шираз се одржа на 27-29 октомври во Шато д’Ампуис во северната долина на реката Рона, Франција. Во контекст на натпреварот се дегустирани 307 примероци Сира вино од 27 земји, во согласност со меѓународните правила и се доделени само 14 златни медали на светско ниво.

Сира 2017 од Винарија Камник е вино добиено од сопствените насади, и се карактеризира со интензивна рубин црвена боја, висок екстракт и голем потенцијал за созревање, додека букетo изобилува со ароми на црвено и црно ситнозрнесто овошје. Комплексноста на ова вино се должи на 17-месечното одлежување во нови буриња од американски и француски даб кои придонесуваат за добивање дискретни зачински тонови, елегантен и полн вкус, со одлична структура, кадифени танини и добро интегрирани дабови ароми со долготраен послевкус.

Тен Барелс Сира 2017 Резерва од Винарија Камник е вино наградено со уште два златни медали, на Балканскиот меѓународен вински натпревар (The Balkans International Wine Competition) од 2019 и на Мундус Вини од 2020 година (Mundus Vini Spring Edition).

Сортата Сира е родена многу одамна на ридовите на северната долина Рона. Оттогаш успешно се шири и во другите француски региони и низ целиот свет. Како такви, вината Сира/ Шираз покажуваат богат спектар на сензорни карактеристики кои ги рефлектираат нивните различни тероари, клима и винарски практики.

 

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Ален Деребан: Почитувани стружани, во среда има прегласување, не далат само 300 гласа за уште еден пратеник !

Почитувани стружани, Врз основа на одлуките донесени од Државната изборна комисија (ДИК), потврдени од Управниот Суд, на ден 22.05.2024 година (среда) гласањето ќе се повтори...

Трагично згасна животот на 18 годишен матурант во Македонија

Средното стручно општинско училиште „Моша Пијаде“- Тетово со емотивна објава се прости од својот матурант Елдон Шабани чиј живот згасна на трагичен начин. – Со...

Марија на матурската забава во Берлин се појави во македонска народна носија!

Марија на матурската забава во Берлин се појави во македонска народна носија! Марија со нејзините родители Игор и Бети Кирески со потекло од Гостивар, живеат...

Во завршна фаза градежните активности за партерно уредување на дворот во Охридската Гимназија

Градежните активности за партерно уредување на дворот на гимназијата „Св. Климент Охридски“ кои се одвиваат во овој момeнт се во завршна фаза. Треба да...