22.9 C
Ohrid
среда, јуни 23, 2021
Почетна Македонија Венко Филипче: Доколку не ми се извини Вмро Дпмне ќе поднесам тужба...

Венко Филипче: Доколку не ми се извини Вмро Дпмне ќе поднесам тужба до нив, бидејќи смртта на прерано починатата пациентка ја користат за политички поени !!

Translate (Eng):[gtranslate]

ВМРО-ДПМНЕ на најподмолен начин се обидува да собере политички поени од прерано згаснат човечки живот! Во моментов течат законските рокови за случајот во пациентката од Штип. Директорот на болницата најдоцна до утре треба да испрати извештај до ДСЗИ, по што ќе се формира Комисија за вонреден стручен надзор, реагира попладнево министерот за здравство Венко Филипче.

„Ова е независен надзор и апсолутно е неточно дека директорот на болницата самиот на себе ќе си врши надзор како што наведува ВМРО-ДПМНЕ. Од партијата или не го познаваат системот на надзори или свесно манипулираат како што всушност се однесуваат цели осум месеци од почетокот на кризата. Барам итно извинување за ова грозно обвинување во спротивно ќе поднесам тужба за клевета, пишува Филипче.

Пратеникот на ВМРО-ДПМНЕ од Штип Иван Јорданов на прес-конференција обвини дека министерот за здравство Венко Филипче спроведува операција на заташкување на случајот со смртта на 41-годишната пациентка во Штип. Според Јорданов истрагата треба да ја спроведе директорот, кој бил на смена тој ден токму на тоа одделение.

РЕКЛАМА

ФАКТОР

- Реклами -