Од утре се очекува Армијата да се вклучи во обезбедувањето на здравствените институции. Војници ќе бидат распоредени пред оние установи што ќе побараат таква заштита. Зелено светло за ова треба да даде врховниот командант, претседателот Пендаровски…
Армијата уште утре би можела да се вклучи во обезбедувањето на здравствените институции, вели министерката за одбрана Шеќеринска. Последен филтер за ангажман на војската е врховниот командант Пендаровски.
Армијата ќе обезбедува клиники и поголеми болници во Скопје, Битола, Тетово, Гостивар, Дебар, Куманово, Штип и Велес. Шеќеринска образложи дека ваквата заштита ќе функционира на барање на здравствените установи.
Во прв ред, обезбедувањето на болниците ширум земјата предвидено е да го вршат 295 припадници на Армијата, кои ќе им помагаат на припадниците на МВР, а по потреба, бројот на војници може дополнително да се зголеми.
