Во интервју за Слободен печат, вчеравечер, братот на премиерот Зоран Заев зборуваше за односите во семејството Заеви. Тој вели дека неговата мајка е посебно погодена кога медиумите зборуваат лошо за Зоран.
На прашањето за односот на премиерот Зоран Заев кон Бугарија Вице Заев вели дека премиерот е многу толерантен.
– Брат ми е многу толерантен и премногу мек во однос на политичките случувања со Бугарија. Ми смета тоа што не реагира на многу провокации од источниот сосед. Знам дека и тој се согласува со моите ставови дека не треба да биде толку мек, но ја гледа големата слика, има информации повеќе од нас, и затоа води таква политика. А, со тоа како ја води политиката се согласувам целосно затоа што вродува со резултат. Со потезите што ги прави и со Грција и со Бугарија ја става на ризик и сопствената и семејната кариера, но храбар е и тоа треба да се цени, вели братот на премиерот Зоран Заев.
Додава и дека не се плаши од никого иако имало закани по социјалните мрежи.
-Сепак, нашата мајка секое утро плаче кога ги гледа утринските емисии и слуша се што зборуваат за Зоки. Jaс не читам што пишуваат за мене и брат ми на социјалните мрежи, јас не користам социјални мрежи. Во политика не планирам да се вклучувам, додаде Вице Заев.
