Претседателот на државата Стево Пендаровски во вечерашното гостување на Канал 5 телевизија кажа дека Македонија не смее да ја добие вакцината во март додека земјите од регионот ја имаат порано.
Тој напомена дека Србија веќе од понеделник ќе ги добие првите 5.000 вакцини.
-Моите информации велат дека е точно дека Србија во понеделник ќе добие 5.000 дози од вакцината на Фајзер. Недозволиво е ние да чекаме до март за вакцината, ако другите околу нас добиваат претходно. Мораме да се снаоѓаме, од други земји членки, да потпишуваме договори.
Ако соседите добиваат вакцини уште сега, ние не смееме да чекаме до март, вели Пендаровски.
За потсетување во Србија вакцинирањето започнува од дом за стари лица. Агенцијата за лекови и медицински сретства, на Србија и дала согласност за увоз на Фајзерови вакцини. Компанијата Фајзер/Бионтек им ја предале на 2. декември на Агенциите за лекови и медицински сретства неопходната документација за регистрација на вакцини против новата болест во Србија.
Велика Британија е прва земја која официјално ја регистрирала Фајзер/Бионетк вакцина за употреба, а по неа тоа го сториле Канада, Бахреин и Саудиска Арабија. До 21. декември се очекува нејзина регистрација и во ЕУ, а вакцинација во земји на ЕУ започнува од 27. декември.
